“O'yin og'ir kechdi. “Verona” uchrashuv boshidayoq bizga bosimni oshirishi ko'rinib turgandi. Umuman olganda so'nggi paytlarda safarda, uydagiga qaraganda, yomonroq o'ynayapmiz. “Verona” shubhasiz g'alabaga haqli o'yin ko'rsatdi. Butun o'yin davomida hujum uyushtirdik, ammo keraksiz xatolarga yo'l qo'ydiik va yutqazdik.
Futbolda eng muhim jihatlardan biri bu psixologiya. Bizga har bir o'yinda g'alaba kafolatlanmaganligini, yanada ko'proq mehnat qilish kerakligini oxir-oqibat tushunib etishimiz lozim. So'nggi yillarda “Yuventus” A seriyada katta farq bilan g'oliblikka erishdi. Ammo bizni shunchaki ochko yo'qotishga haqqimiz yo'q. Biz aqlimizni yig'ib olishimiz va har bir o'yinga masuliyat bilan tayyorgarlik ko'rishimiz kerak”, deya Sarrining so'zlaridan iqtibos keltirmoqda italiyalik jurnalist Janluka Di Marcio.
A seriyaning 23-turidan keyin “Yuventus” 54 ochko bilan turnir jadvalida peshqadamlik qilmoqda. Ikkinchi o'rinda borayotgan “Inter” peshqadamdan uch ochko ortda qolmoqda. Konte shogirdlari bugun San Siroda “Milan” bilan kuch sinashishadi.
Bosh sahifaga
309