Biz esa ko'tarinki kayfiyatda o'tgan uchrashuvdan so'ng jamoaning yangi legioneri, zaxiradan maydonga tushib o'yinni kuchaytirishga yordam bergan Eren Derdiyokning fikrlarini tingladik.
“O'yin ikkala jamoa uchun ham qiyin o'tdi. Maydonning holatini ko'rdinglar, to'p oldinga siljimadi. SHu sababdan raqib ham, biz ham qiynaldik. Omad biz tomonda bo'ldi, ishonchli tarzda g'alaba qozondik.
Bunday murakkab sharoitda o'tgan uchrashuvda eng muhim narsa g'alaba hisoblanadi. Lekin, biror narsa deyishim qiyin. Maydon holati yaxshi bo'lganida o'z o'yinimizni yaxshiroq ko'rsatgan bo'lardik.
SHunga qaramay uch ochko qo'lga kiritdik. Bilsangiz, OCHLda har bir g'alabaning ahamiyati yuqori sanaladi. Mavsumni g'alaba bilan boshladik va shu zayilda davom etishga harakat qilamiz. Bahsning dastlabki 25 daqiqasi maydonga moslashishga sarflandi”, - dedi Derdiyok.
Abdulaziz Iskandarov yozib oldi
Bosh sahifaga
1332