Qo'lga kiritilgan uch ochkoda barchaning hissasi katta bo'ldi. Xususan, murabbiylar shtabi ham futbolchilarni mazkur bellashuvga munosib tayyorlashgani sezildi. SHu sababdan uchrashuvdan so'ng SHota Arveladzega yaqindan ko'maklashib kelayotgan murabbiy Jasur Abduraimovning fikrlari bilan qiziqdik.
"Birinchi tur doim qiyin bo'lgan. Raqibimiz yaxshi va kuchli jamoa edi. Muhimi, futbolchilar noqulay ob-havo sharoitida chiroyli o'yin ko'rsatishdi, xarakter namoyish etishdi. Gol o'tkazib yubordik. Tezda golga javob qaytarishga erishdik. Eng asosiysi uch ochkoni o'zimizniki qildik. G'alaba bilan butun o'zbek xalqini, yana ko'plab muxlislarni tabriklayman. Hisob 1:0 vaqtida natijani o'yladik? Bu futbolchilarning ruhiyati bilan bog'liq. Raqib bejiz o'z chempionatida birinchi o'rinda ketmayapti", - dedi Abduraimov.
Abdulaziz Iskandarov yozib oldi
Bosh sahifaga
2063