Karnavalda jahondagi ijtimoiy muammolar mavzusida haykallar yaratiladi. Bu yil asosiy mavzular atrof-muhit, muhabbat va zamonamiz ramzlari bo'ldi.
Ayni damda zamonamiz qahramoni, sayyoramizning eng yaxshi futbolchilaridan biri, Instagram qiroli va Italiya chempioni kim? To'ppa-to'g'ri, Krishtianu Ronaldu. Uning ulkan haykali Viarejo ko'chalaridan olib o'tishdi.
Bir qarashda Krish temirdan tayyorlangan deb o'ylashingiz mumkin, ammo unday emas, bu haykalni yasash uchun shaklini o'zgartirish oson bo'lgan maxsus qog'oz va kartondan foydalanilgan. Haykal Ronalduning barcha mashhur harakatlarini takrorlashi va xatto og'zini ochishi mumkin. Yaratuvchilar bu qaysi mavzuda ekanligini ko'rsatish uchun IDOL so'zini qo'shib qo'yishdi.
Agar ushbu yirik Krishtianuni ko'rishni istasangiz hali ham sizda bu imkoniyat mavjud. Uni 15, 20, 23 va 25 fevral kunlari Viarejo ko'chalariga olib chiqishadi. Ronaldu bilan birga Gretta Tunberg va Donald Tramp haykallari ham karnavaldagilarga namoyish etiladi.
Viarejo (Florenciyadan 100 km uzoqlikda) karnavali 1873 yildan beri o'tkazilib kelinadi. O'sha yillarda o'ziga to'q, boy insonlar karnaval aravalarida ko'chalarda sayr qilishni xohlashgan edi. Kambag'allar esa vaziyatdan foydalanib qolish uchun kiyimini o'zgartirib, mahalliy "millionerlar" va siyosatchilar ustidan kulishgandi.
Karnaval yuqori kayfiyatda o'tgani uchun shahar hukumati g'oyani qo'llab-quvvatlashgan. Joriy yil 147-karnaval o'tkazilmoqda. Festival ramzi - masharaboz Burlamakko. Ushbu qahramon 1930 yil rassom Umberto Bonetti tomonidan o'ylab topilgan.
Futbol mavzusi Viarejoga begona emas: 2006 yilda ko'chalarda jahon kubogini ko'targan Marchello Lippi haykali olib o'tilgan. Etiboringizga ushbu karnavalda namoyish etilgan boshqa haykal suratlarini taqdim etamiz.
Bosh sahifaga
381