“Andijon” Superliga debyutanti bilan durang o'ynadi

“Burgutlar”ning navbatdagi sparring raqibi Superliga debyutanti Muborakning “Mashal” jamoasi bo'ldi.

"Andijon” bosh murabbiyi Aleksandr Xomyakov shu kuni quyidagi tarkibdan foydalandi: Aslanbek Ahrorov, Xushnud Avilov, Dmitro Zozulya, Jon Les Leon, Azamat Isroilov, Qahramon Bahodirov, Jahongir Ahmadov, Farhod Bekmuratov, Muhammad Yuldashev, Siroj Meliev, Timur Usmonov.
Zaxiradan maydonga tushganlar: Artyom Litvyakov, Usmonali Ismonaliev, Abdullox Olimov, Doniyor Abdumannopov, Nodir Mavlonov, Baxtiyor Qosimov, Jaloliddin Jumaboev.

Gollarga boy bo'lgan uchrashuvda tomonlar 2:2 hisobida durangga erishdi. Andijonliklarning gollariga Timur Usmonov bilan Artyom Litvyakov (penaltidan) mualliflik qildi.

Jamoa safiga xuquqiy jihatdan “Paxtakor” jamoasiga tegishli bo'lgan Jahongir Ahmadov bilan “Lokomotiv”ning 20 yoshli himoyachisi Jaloliddin Jumaboev kelib qo'shildi. SHuningdek markaziy himoyani kuchaytirish maqsadida murabbiylar afrikalik Jon Les Leonni ko'rikdan o'tkazish uchun taklif etgan.

“Mashal”ga qarshi uchrashuvda Farhod Mirahmatov bilan Jamshid Hasanov betob bo'lgani sababli ishtirok eta olmagan.

Jamoa safini darvozabon Ruslan Matniyazov bilan yarim himoyachi Sardor Azimov tark etdi. Matniyazov “Qizilqum” bilan kelishuvga erishgan bo'lsa, xuquqiy jihatdan “Bunyodkor” azosi bo'lgan Sardor Azimov “Qo'qon-1912” yig'iniga borib qo'shilgan.

Andijonliklar 15 fevral kuni yana bir sinov-nazorat uchrashuvini o'tkazishni rejalashtirgan.