“To'g'risi, bu soch turmagim haqiqatan ham stilistning xatosi. Men buni kutmagan edim. Men shunchaki stulimda uxlab qoldim va ko'zimni ochganda hayratga tushdim. Buni yangi imidj deb tushunish kerak emas. Bazida jismoniy holatimdan kelib chiqib soch turmagimni o'zgartirishimga to'g'ri keladi, lekin hozirgisi kasallik sabab emas”, - deya hazillashdi Mourinyu va mavsum yakuniga qadar buning o'zgarishini aytib o'tdi.
Ayni paytda Mourinyu jamoasining APLdagi ishlari unchalik yomon emas. “SHporlar” barcha turnirlar davomida ketma-ket olti o'yindan beri mag'lubiyat nimaligini bilmay kelishmoqda. Angliya kubogi bahslarida ham jamoa hali qoqilganicha yo'q. Premer-liga jadvalida esa 6-pog'onani zabt etib turishibdi. Takidlab o'tish kerakki, bu natija klubning Pochettino davridagi holatidan ancha yaxshiroq.
“Ketma-ket mag'lubiyatlar va futbolchilarning jarohati sabab klub turnir jadvalida anchayin pastga tushib ketgan edi. Asosiy darvozabon Loris va yana bir qator muhim futbolchilarni yo'qotdik.
SHu sabab men jamoaga kelgan kunlarimdan beri asosan ruhiy tayyorgarlik bo'yicha ishlayapman. Ularga aynan shu narsa etishmayotgan edi. Muxlislar etirof etayotgan Moura va Songa asosiy tarkibda imkon berdim va bu o'zini oqlamoqda. Hozir shuni bilamanki, jamoaning kayfiyati alo darajada”, - deydi 57 yoshli mutaxassis.
Xabarlarga ko'ra, portugaliyalik murabbiy hafta oxirlarida safarda bo'lgan. “Tottenxem “ ustozi CHempionlar ligasidagi raqibi “Leypcig” o'yinlarini kuzatish uchun Germaniyaga borgandi.
goal.com saytidan Yusufbek tarjimasi
Bosh sahifaga
1350