U butun jamoaning o'ziga bo'lgan ishonchini oshira olishi yoki "Messi rejimi"ni yoqib, klubni oldinga torta olishi kerak. Bunday o'yinchilar oltinga teng va beqiyos. Bu ampulada harakatlanadigan o'z ishining ustalarini barmoq bilan sanash mumkin, sababi ular juda ozchilikni tashkil etadi. Ko'pchilikka tanish futbolchi Pako Alkaser so'zimiz isboti bo'la oladi. Ispaniyalikdan faqatgina zaxiradan maydonga tushib, o'yinni kuchaytirishdan ko'prog'ini talab qila boshlashlari bilan u to'prurarga aylanib bordi. Natijada "Borussiya Dortmund" o'ziga yangi iqtidorli hujumchini kashf qildi, lekin Pako biroz muddatdan so'ng vataniga qaytib ketdi — "Vilyarreal".
Ammo bugungi qahramonimiz aslo undaylardan emas. Fabio Borini hech qachon joker yoki butun jamoaning bog'lovchi futbolchisi emasdi. Qolaversa, chinakamiga yuqori darajada o'ynay olmagan futbolchilardandir.
Biografiya:
• Fabio 1991 yil mart oyida Italiyaning Bentivolo shaharchasida tavallud topgan. 9 yoshidan futbol bilan shug'ullanishni boshlagan. U va otasi "Bolonya" klubining ashaddiy muxlislari bo'lishgan. Borini 2001 yil "qizil-ko'klar" safiga borib qo'shilgan va klub akademiyasining o'yinchisiga aylangan.
• SHuningdek, futbolchining faoliyatida Londonning "CHelsi" klubi ham muhim rol o'ynagan. U 2007 "CHelsi" yoshlar klubiga o'tadi. 2008/09 yilgi mavsum mobaynida esa "ko'klar" zaxira jamoasining etakchi hujumchisi sanaladi. 11ta o'yinda 10ta gol urishga erishgan italiyalik zaxira jamoasining eng yaxshi to'purariga aylanadi. Angliya yoshlar Kubogida italyan "Manchester Yunayted" darvozasini ishg'ol qilishga muvaffaq bo'ldi. 2009 yil 1 sentyabr kuni esa "ko'klar"ning bosh murabbiyi Karlo Anchelotti CHempionlar Ligasida o'yinchini elon qildi.
• Musobaqaning birinchi turi "Portu"ga qarshi bahsda hujumchi zaxira o'rindig'idan joy oldi. 20 sentyabr kuni Angliya Premer-Ligasida debyut qildi — "Tottenxem" bilan uchrashuvning 89-daqiqasida Nikolya Anelkaning o'rniga maydonga tushdi. Fabioning "CHelsi"dagi ilk to'liq o'yini Liga Kubogining 3-turida "Kuinz Park Reyndjers"ga qarshi bahs bo'ldi. Bundan tashqari, "Vest Xem" bilan o'yinda o'rinbosarlar jamoasida 2ta gol urishga muvaffaq bo'ldi.
"CHelsi" italiyalikka deyarli alokasi bo'lmagan ko'plab yutuqar olib keldi. Fabio 2 mavsum davomida 8ta o'yinda ishtirok etdi va umuman samarali natija qayd etgani yo'q. Ammo o'sha mavsum londonliklar Borinining yordamisiz ham juda yaxshi o'yin namoyish etdilar. APL g'olibi bo'lishdi, Angliya Kubogini hamda Superkubogini qo'lga kiritishdi. Albatta, bu borada uning hamyurti Karlo Anchelottining hissasi katta.
Klub arzirli foydasi tegmagan o'yinchidan tezroq qutilishni istab qoladi. SHu sababli, 2011 yil 17 mart kuni mavsum oxiriga qadar Borini ijara huquqlari asosida "Suonsi Siti"ga o'tdi. Ilk o'yinda "Nottingem Forest" darvozasini ikki bor ishg'ol qilishga muvaffaq bo'ldi. Fabio "Suonsi Siti" safida o'tgan 9 o'yinda 6ta gol urdi va 4ta golli uzatma berdi. U bularning barchasini mavsumning ikkinchi yarmida amalga oshirdi. Lekin baribir italiyalik qandaydir imkoniyatlarga ega bo'ldi. Bu yutuqlar "Parma"ning jiddiy qiziqishiga sabab bo'ldi. Natijada klub 2011 yil yozda futbolchi bilan 5 yillik shartnoma imzolaganini elon qildi. Klub tovon puli sifatida 360 ming funt to'ladi. Ha, Italiya pasportiga ega va o'rtamiyona to'purar uchun arzimagan pul.
Eng qizig'i, yigitcha "Parma" safida birorta ham uchrashuvda maydonga tushmadi, biroq qaysidir jihati bilan "Roma" etiboriga tushdi. Rim klubi uni ijaraga oldi. Fabio "bo'rilar" safida 2011/12 yilgi mavsumda muvaffaqiyatli chiqish qildi: markaziy hujumchi poziciyasida hamda qanotda o'ynadi. Italiyalik 10ta gol urdi va 6.93 ball oldi. 2012 yilning iyun oyi oxirlarida "Roma" klubi "Parma"ga 7 million evro to'lab, Fabio Borinini sotib oldi.
Biroq italiyalikning futbol olamida sarguzashtlari tugamadi. Fabio Rim klubida muvaffaqiyat qozonayotganiga qaramay, yana bir Premer-Liga g'olibi bo'lishni istadi, bu safar "Liverpul" bilan. 2012 yil 13 iyul kuni "mersisaydlar" Borinini sotib olganliklarini rasman elon qildilar. Transfer summasi 10,3 mln funtni tashkil qildi.
APLga bo'lgan ikkinchi sayohat biroz tushunarsiz bo'ldi. 2 mavsum davomida 39 o'yinda maydonga tushdi, ammo Fabio buni mavsum boshidan boshlagani yo'q. Natijada italiyalik "qizillar" safidagi o'rnini saqlab qolish uchun "Sanderlend"ga ijaraga o'tdi. Hujumchi yarim mavsum ichida 7ta ("Liverpul"da 5ta) gol urdi. Keyinchalik quyi darajaga tushish vaqti kelgani ayniqsa, Angliyaga Yurgen Klopp kelganidan so'ng malum bo'ldi. SHuning uchun, italiyalik klubni tark etdi va yurtidagi kuchsizroq jamoaga o'tdi.
Borini faoliyatidagi eng ko'p golni "qora mushuklar" safida urishga erishdi. Muntazam ravishda maydonga tushgan o'yinchi 93ta bahsda ishtirok etdi. Fabio gol+pas tizimi bo'yicha 23 ballga ega bo'ldi. Ammo "Sanderlend" o'sha yillari sustlashishni boshladi, natijalar yomonlashdi, o'yinchilar jamoadan ketib qoldi. Italiyalikning bozori doim chaqqon bo'lgan. Bu safar u ham jamoasini almashtirishga qarshilik qilmadi. SHunday vaziyat yuzaga keldiki, "Milan" deyarli yangi tarkib to'playotgan va kimningdir tushunarsiz qarori tufayli ingliz klubi futbolchisi Italiyaga ko'chib o'tadi. Rahbariyat Fabioni asosiy hujumchi sifatida ko'rmasdi, lekin Andre Silvaga yaxshi o'rinbosar bo'la oladi deb hisoblardi.
Boshqa joylarda bo'lgani kabi italiyalik "rossoneri" tarkibida ham o'ziga xos narsa namoyish etolmadi. Tabiiyki, asosiy tarkib va boshqa narsa haqida gap ham bo'lishi mumkinmasdi. Umuman olganda, Borini zaxira o'rindig'ini "isitib o'tirishi" va paydo bo'lmasligi uchun qadrlashsa kerak. Muxlislar ham uni shu sifati tufayli eslab qolishgan bo'lsa ajabmas.
Fabio "Milan"ga oz bo'lsa-da foyda keltirdi. Lekin o'yinchining maoshini o'z-o'zidan kamaytirishning iloji yo'q. SHuning uchun, Maldini imi-jimida futbolchini "Verona"ga berib yubordi. Taqdir hazilini qarang, Fabioning u erda ham o'yini o'xshamayapti.
Ha, Borini agentining daho ekaniga qoyil qolmasdan boshqa iloj yo'q. Borini futbol olamidagi "sayohatchi" va tushunarsiz personajlardan biridir. U hech kimning yodida ham qolmaydi, ammo qandaydir yo'llar bilan doim biror klubga o'tish yo'lini topadi. Qiziq-a?!
Nozima Zaripova tarjimasi
Bosh sahifaga
1669