"Qo'qon-1912": O'rinbosarlarimiz mavsumni g'alaba bilan boshlashdi

Yoshlar ligasi 

1-tur

“Qo'qon-1912” –  “Obod” – 3:1 (2:1)

Hakamlar: Igor Xudoydotov, Rustam Tolibjonov, Qahramon Sobirov, Xurshid Meliqo'ziev.

Gollar: Orif Mamajonov-32, Ibrohim G'ofurov-43, Nodir Qo'ziboev-63. – Umid Matmusaev-8.

“Qo'qon-1912”: 30. Islom Abdullaev, 4. Asliddin Soipov, 5. Ibrohim G'ofurov, 9. Doston Meliqo'ziev, 10. Iqbol Malikjonov, 11. Muhammadanas Hasanov, 14. Avazxon Mamatxo'jaev, 15. Maruf Zokirjonov, 18. Azizxon Ibragimov, 22. Orif Mamajonov, 88. Oybek Rustamov.

Zaxira: 21. G'ayrat Hasanov, 8. Nodir Qo'ziboev, 17. Abduqahhor O'ktamov, 19. Ibrohim Muxtorov, 23. Abror Rahmonov, 27. Ismoil Oxunjonov, 28. Sardor Isaqov.

“Obod”: 91. Davron Jo'raqulov, 27. Xumoyun Abdualimov, 29. Umid Matmusaev, 32. Bexzod Latipov, 33. Iskandar Siddiqjonov, 34. Islom A. Ismoilov, 37. Fazliddin Hakimov, 39. Vladislav Nuriev, 45. Alisher Mirzaev, 46. Akbar Xo'jaev, 48. Dilmurod Jo'raboev.

Zaxira: 1. Umid Yorbekov, 30. Ismoil Jasurxo'ja, 36. Islom N. Ismoilov, 47. Abbos Ikromov, 49. Otabek Pardaboev.

Yurtimizga futbol bahori kirib keldi. Bugun Yoshlar ligasi bahslariga start berildi. Qo'qondagi “Markaziy” o'yingohda o'rinbosarlarimiz Oliy liga debyutanti “Obod” jamoasini qabul qilishdi.

Uchrashuv vakillarimiz uchun omadsiz boshlandi. Uchrashuvning 8-daqiqasi o'tib borayotgan paytda “Obod” futbolchisi Umid Matmusaev himoyadagi xatodan unumli foydalanib Islom Abdullaev darvozasini ishg'ol etdi – 0:1.

32-daqiaqada hisob tenglashdi. Orif Mamajonov jarima maydonchasiga kirib borib, mehmonlar posbonini ojiz qoldirdi – 1:1.

43-daqiqada uzoq davom etgan hujumni Ibrohim G'ofurov gol bilan yakunlab, hisobni oshirdi – 2:1.

Birinchi bo'limning qolgan daqiqalarida mehmonlar darvozasi oldida bir qator vaziyatlar vujudga kelganiga qaramay, tanaffusga qadar hisob o'zgarmay qoldi.

Ikkinchi taymni mehmonlar katta ishtiyoq bilan boshlashdi. Lekin barcha urinishlar samarasiz yakunlanaverdi.

Uchrashuvning 62-daqiqasida tajribali Nodir Qo'ziboev maydonga tushdi va hisobni oshirdi. Bu vaziyatda Doson Meliqo'zievning harakatlarini alohida takidlash joiz. Aynan uning qanotdan katta tezlikda kirib borib jarima maydonchasiga oshirgan to'pini Qo'ziboev bo'sh qolgan darvozaga kiritib qo'ydi – 3:1.

Qolgan daqiqalarda har ikki jamoada raqib darvozasini ishg'ol etish uchun bir qator imkoniyatlar yuzaga keldi. Lekin har safar futbolchilar vaziyatlardan foydalanishda sustkashlikka yo'l qo'yishdi.

Natijada o'yin o'rinbosarlarimizning 3:1 hisobidagi g'alabasi bilan intiho topdi.