Xabarlarga ko'ra, London klubi "Atletiko" bosh murabbiyi Diego Simeoneni jamoaga taklif etishi mumkin. "CHelsi"ni hozirda Frenk Lempard boshqarib bormoqda.
Mavsum Simeone uchun omadsiz kechmoqda. Madridliklar La Ligada 24 turdan so'ng 40 ochko to'plagan holda jadvalning to'rtinchi o'rnida borishmoqda. Peshqadam "Real" bilan oradagi farq 12 ochkoni tashkil etadi. Bundan tashqari "qaymoqranglilar"da bitta zaxira o'yini bor.
Oldinroq ham "CHelsi" Simeonega qiziqish bildirgan edi. Ammo, London klubi mutaxassisni ingliz tilini yaxshi bilmasligi va Simeonening o'zi ham "Atletiko"da qolishni afzal bilgani sabab argentinalik "CHelsi"ga o'tmagan edi. Bundan tashqari, mavsum yakunlangandan so'ng ham Simeonening "Atletiko"dan ketishi istisno qilinmayapti.
Eslatib o'tamiz, Diego Simeone dunyodagi eng katta maosh oluvchi murabbiy sanaladi.
Bosh sahifaga
1368