CSKA maktabida shug'ullangan, keyinchalik o'z baxtini “Spartak“da topgan Rossiya afsonasi Sobiq Ittifoq chempionati tugashiga 4ta tur qolganida hech qanday shubhasi qolmagandi, hisobdagi so'nggi chempionatda g'alaba qozonishiga. O'shanda u CSKAning asosiy tarkibida to'p tepayotgan yoshlikdagi do'stlari bilan terma jamoa bazasida ko'rishadi. Bu haqda “Po prozvishhu Car“ kitobida shunday yoziladi:
“Torpedo“ (Moskva)ni 7:1 hisobida mag'lubiyatga uchratdik. Ketidan CSKAni, yagona golni jarima zarbasidan men urdim va biz armiyachilarga etib oldik. Lekin yakunda chempionlik CSKAga nasib etdi. Bu chempionat bo'yicha shubham bor. Sizlarda ikkita og'ir o'yin bor, biri Toshkentda, ikkinchisi Pomirda.
Biz bu ikki o'yin qiyin bo'lishini bilardik, ammo g'alaba qozonishga ishonchimiz komil edi. SHunda ular kulib javob berdilar?
- Yo'q, Sizlar u erda ochko yo'qotasizlar.
- Sizlarda ham qiyin o'yinlar bor.
- Biz uchun xavotir olmang, nechta tur qoldi, 7ta! Demak, ettini ikkiga ko'paytiramiz, 14! Mayli, 12 ochko bizda.
- Qanday qilib?
- Mana ko'rasan!
Bu voqeani hozirgacha eslayman. Nimadir bo'lgan o'sha chempionatda. Haqiqatdan ham Toshkentda biz mag'lubiyatga uchradik, Pomirda esa durang. Yakunda CSKA chempion bo'ldi!
Bu, keyinchalik “Selta“ afsonasiga aylangan Aleksandr Mostovoyning hikoyasi edi. Tarix uchun esladim. O'sha o'yinda tarkiblar quyidagicha ko'rinish olgan edi:
O'yin qaydnomasi quyidagi ko'rinishda bo'lgan.
Uchrashuv videosini tomosha qiling
“Paxtakor“ Markaziy stadioni, 30 000 tomoshabin.
"Paxtakor" - "Spartak" 1:0
Gol: Andrey Pyatnickiy (24).
“Paxtakor“: Yuriy Pereskokov, Ruslan Uzoqov, Gennadiy Denisov, Sergey Bondarenko, No'mon Hasanov, Abduqahhor Marufaliev (Murod Aliev, 88), Mirjalol Qosimov, Ilhom SHaripov, Andrey Pyatnickiy, Oleg Sinelobov, Igor SHkvirin (SHuhrat Maqsudov, 79).
“Spartak“: Stanislav CHerchesov, Dmitriy Xlestov, Evgeniy Bushmanov (Dmitriy Ananko, 12), Dmitriy Popov, Andrey Mox, Andrey Ivanov, Gennadiy Perepadenko, Valeriy Karpin, Aleksandr Mostovoy, Fedor CHerenkov (Igor Kozlov, 46), Dmitriy Radchenko.
Uchrashuvning 24-daqiqasida Pyatnickiy darvozabondan boshlangan oltinchi pasni golga aylantirgandi. Bu o'yin “Paxtakor“ uchun juda muhim bo'lib, faqat g'alabagina jamoani oliy ligada olib qolishi mumkin edi. “Spartak“ni esa aksincha, bu o'yin chempionlikdan mahrum qilgan. Pomirda ham jamoa muhim 1 ochkoni yo'qotgan.
O'sha kuni stadionga tashrif buyurgan 30 000 nafarga yaqin muxlis, boshlaridagi gazetalardan yasalgan qalpoqchalarni yoqib bayram qilishgan. Stadion bir necha daqiqa lava qaynagan qozonga o'xshagan. Bu haqda jamoa muxlisi Faxriddin Isamuhamedov quyidagicha xotirlaydi:
- Ooo, juda dahshatli vaziyat edi. O'yindagi g'alabadan sarmast bo'lgan muxlislar, butun stadiondagi gazetalar yoqilgan edi. Lekin bu o'yindagi ajiotajni boshqa ko'rmadim.
“Bu men maydonga tushgan birinchi o'yin edi. Buni qarangki, 2019 yil “Spartak“ matbuot kotibining taklifiga ko'ra Moskvada bo'ldim va klub strukturasi bilan tanishdim. Yaqinda ular menga “Paxtakor“ bilan o'yin tashkil qilish mumkinligi haqida aytishdi va shartlarni aytishdi. Men o'z navbatida buni “Paxtakor“ga etkazdim, shu bilan o'yin tashkil bo'lib ketdi“, — deydi saytimizning asoschilaridan biri Gayrat Xasbiulin.
Bosh sahifaga
315