Yoshlar ligasi: “Bunyodkor” – “Neftchi” 1:1 (sharh)

Dastlabki turda Toshkentning “Bunyodkor” jamoasi yoshlari Farg'onaning “Neftchi” o'rinbosarlarini qabul qilishdi.
Musobaqaning amaldagi chempioni bo'lmish “qaldirg'ochlar”ning bu yilgi tarkibi to'liq almashdi va 16-18 yoshli futbolchilardan yangi jamoa tuzildi. O'tgan mavsum jamoani kichik oltin medallarga etaklaganlarning bazilari asosiy jamoamizga o'tkazildi. Aksariyat qismi esa oliy liganing boshqa jamoalariga ijaraga berildi. Yangi tuzilgan yoshlar jamoasini esa futbol maktabimizning umidli o'smirlari to'ldirishdi.

Vakillarimiz farg'onaliklarga qarshi bahsni hujumkor ruhda boshlashdi. Biroq kutilmaganda 10-daqiqada qarshi hujumda gol o'tkazib yuborildi. “Neftchi” yoshlari hujumchisi Xurshidbek Asqaraliev indvidual mahorati evaziga himoyachilarimizni chalg'itib, darvozaning olis to'qqizligini aniq ishg'ol qildi – 0:1. Birinchi bo'lim oxirlarida bunyodkorchilar maydonda 10 kishi bo'lib qolishdi. Uchrashuvni boshqarib borgan hakam Dmitriy Pislegin hujumchimiz Vyacheslav Purakni maydondan chetlatdi.

Tanaffusdan keyin ham garchi raqiblariga qaraganda maydonda bir kishi kam harakat qilgan tarbiyalanuvchilarimiz hujumkorlikni sira ham susaytirishmadi. “Neftchi” futbolchilari esa hisobni ushlab qolish uchun har qanday chorani ko'rishdi. Atayin vaqt cho'zishlar ochig'i juda ham ko'payib ketdi. Har ikkala jamoa murabbiylari zaxiradan deyarli barcha futbolchilarni maydonga tushirishdi. Natijada uchrashuvning ikkinchi bo'limiga olti daqiqa vaqt qo'shib berildi. Eng qizig'i, qo'shib berilgan daqiqalardan yarmidan ko'pi ham “Neftchi” yoshlarining maydonda cho'zilib yotib olishlari bilan o'tdi. Bosh hakam qo'shim berilgan daqiqalarga ham yana qo'shimcha qildi. Bor etiborini hujumga qaratib, mag'lubiyatdan qutilib qolishga uringan bunyodkorchilar baribir o'z maqsadlariga etdilar.Davron Umirov 90+9-daqiqada “Neftchi” darvozasini ishg'ol qilib, yakuniy natija 1:1 bo'lishini taminladi.

Yoshlar ligasi-2016, 1-tur

“BUNYODKOR” – “NEFTCHI” 1:1 (0:1)
Gollar: Xurshidbek Asqaraliev 10 (0:1), Davron Umirov 90+9 (1:1)
Oogohlantirishlar: Akbar To'raev 41, Suhrob Izzatov 68, Tursun Raximberdiev 89, SHohzod Abdurahimov 90+4 – Xurshidbek Asqaraliev 63, Sergey Smorodin 66, Islomjon Toshpo'latov 71, Abduqodir Ortiqov 90+8
CHetlatishlar: Vyachechlav Purak 41 – Otabek Muhammadjonov 90+9
“Bunyodkor”: 45.Akbar To'raev (S), 5.Tursun Raximberdiev, 7.Abdulloh Islomov, 10.Mirjahon Mirahmadov, 11.Faruh Ikromov, 15.Otabek Bekboev, 17.Azamat Roziqov, 18.SHohzod Abdurahimov, 33.Vyacheslav Purak, 40.Burxon Usmonov, 77.Elbek Ravshanov
Zaxiradan maydonga tushganlar: 6.Davron Umirov, 16.Azamat Jumaboev, 27.Javohir Musajonov, 44.Abbosbek Jumaqulov, 48.Suhrob Izzatov
“Neftchi”: 1.Sergey Smorodin, 2.Sardor Kulmatov (S), 3.Azamjon Xolmatov, 4.Abrorbek Ismoilov, 6.Abduqodir Ortiqov, 8.Islomjon Toshpo'latov, 9.Damir Nizanov, 10.Xurshidbek Asqaraliev, 11.Ibroxim No'monov, 15.Xusniddin G'ofurov, 20.Otabek Muhammadjonov
Zaxiradan maydonga tushganlar: 5.Xusanboy G'aniev, 7.Sarvarjon Abdullaev, 21.Mirjamol Nematov, 25.Anvarjon Olimjonov, 28.Elamon Karimov, 32.Tavakkal Tolipov
Hakamlar: D.Pislegin – 7,6; B.SHavkatov – 8,1; A.Abdullaev – 7,7; D.Akmalov – 7,0
Uchrashuv nazoratchisi: Dmitriy Popov (Toshkent)
4 mart. “Bunyodkor” futbol maktabi maydoni. 92 tomoshabin