2002 yil 18 fevralda "Lokomotiv" rasman tashkil etilib, futbol klub maqomida o'z faoliyatini boshlagandi. Dastlabki ikki mavsumni birinchi ligada o'tkazgan "temiryo'lchilar" 2004 yil ilk bor Oliy ligaga yo'llanma olishgan.
2004-2010 yillarni Oliy ligada o'tkazgan "Lokomotiv" mavsum oxiriga kelib Birinchi ligaga tushib ketadi. Bir yillik tanaffusdan so'ng yana elitaga qaytgan "temiryo'lchilar" faoliyatida yangi davra boshlandi. "Loko" 2012 yildan boshlab o'z oldiga faqat yuqori maqsadlarni qo'yib kelmoqda.
O'tgan 8 yil mobaynida "Lokomotiv" 3 marta O'zbekiston chempioni (2016, 2017, 2018), 3 bor O'zbekiston Kubogi sohibi (2014, 2016, 2017) hamda ikki marta O'zbekiston Superkubogi sohibi (2015, 2019) bo'ldi. Bundan tashqari jamoamiz 2016 yil Osiyo chempionlar ligasida chorak finalga qadar etib borgan.
Bugungi bayram bilan barcha "temiryo'lchilar"ni tabriklab qolamiz!
Bosh sahifaga
2000