“Lokomotiv” Namanganga yo'l oladi

Xabaringiz bor, navbatdagi milliy chempionatning ilk o'yinini “temiryo'lchilar” safarda “Navbahor”ga qarshi o'tkazishadi.

Kecha va bugun “Loko” futbolchilari kuniga bir mahaldan mashg'ulot o'tkazishdi. Mashg'ulotlar “Lokomotiv” hamda TTYMI stadionida olib borildi.
Jamoamiz navbatdagi o'yinga tayyor.

Esingizda bo'lsa, o'tgan mavsumning oxirgi turini aynan “Navbahor”ga qarshi bahs bilan yakunlagandik va o'sha o'yinda 3:2 hisobida zafar quchgandik. Temurxo'ja Abduxoliqov, Lutfulla To'raev va Mo'ydin Mamazulumov tomonidan kiritilgan gollar jamoamizga uch ochko keltirgandi. Umid qilamizki, bu safar ham g'alaba “Lokomotiv” tomonida bo'ladi. Eslatib o'tamiz, har ikkala jamoa o'rinbosarlari ertaga 5 mart kuni soat 15:00da o'zaro maydonga tushishsa, 6 mart kuni o'tkaziladigan asosiy tarkiblar o'rtasidagi bahs soat 16:00da boshlanadi.

Oliy liga-2016. 1-tur. 6 mart
Navbahor (Namangan) – Lokomotiv (Toshkent)
Hakamlar: B. Namozov (Toshkent), A. Snetkov (Toshkent vil.), V. Lushin (Guliston), O. To'ychiboev (Toshkent)
Nazoratchi: R. Aytekov (Toshkent).
PFL vakili: A. Frolov.