“Tan olish kerak, birinchi bo'limda o'yinimiz chiqmadi. Raqib jamoa hujumdagi yo'llarimizni to'liq yopib tashladi, himoyada bexato o'ynashdi. Eron klubi shubhasiz musobaqaning asosiy favoritlaridan biri hisoblanadi. SHuning uchun tanaffusda aynan futbolchilar ruhiyati bilan ishlashga harakat qildim.
Ikkinchi bo'limda bu esa o'zini oqladi. Akram Afifning golidan so'ng, o'yinimizda tub burilish kuzatildi. Bundan keyingi Hasan Al Haydosning ketma-ket urgan gollari o'yin taqdirini uzil-kesil hal qildi. Yaratgan vaziyatlarimizga yarasha natijaga erishdik deb o'ylayman. O'yinimizdan kelib chiqib aytishim mumkinki, musobaqadagi grand jamoalarga bemalol qarshilik ko'rsata olamiz”, - deydi Xavi.
SHuningdek, anjumanning ikkinchi qismida “Sepaxon” ustozi Amir Galenoi ham o'yindan so'nggi fikrlari bilan bo'lishdi.
“Albatta, raqibdan kuchli o'yin kutgandik, lekin hisob menimcha o'yinga mos bo'lmadi. Biz shunchaki vaziyatlarimizdan unumli foydalana olmadik. Buning ustiga asosiy futbolchimiz Surush Rafiei kutilmaganda jarohat oldi va bu keyingi daqiqalarda biz uchun minusga ishladi. Asosiy vazifam taktikadagi har bir xato ustida ishlash va yo'qotishlarni to'ldirish”, - deydi 56 yoshli murabbiy.
Eslatib o'tamiz, ushbu guruhdagi keyingi o'yinlar 3 mart sanasida bo'lib o'tadi. Unda “Al Sadd” o'z uyida “Al Ayn”ni, “Sepaxon” esa “Al Nassr”ni qabul qiladi.
Bosh sahifaga
1138