Musobaqaning 60 yillik tarixida birinchi marta chempionat bitta mamlakat hududida emas, balki butun Evropa bo'ylab 12ta shahardagi 12ta stadionda o'tkaziladi.
UZREPORT Axborot Agentligi (UZREPORT TV, FUTBOL TV) millionlab futbol muxlislarining qiziqishidan kelib chiqqan holda, EVRO-2020 musobaqasini O'zbekiston hududida eksklyuziv translyaciya qilish huquqini qo'lga kiritdi.
Malumot uchun, EVRO-2020 musobaqasida 24ta terma jamoa bosh sovrin uchun bahs olib borishadi. O'yinlar Ozarbayjon Angliya, Vengriya, Germaniya, Daniya, Irlandiya, Ispaniya, Italiya, Niderlandiya, Rossiya, Ruminiya va SHotlandiya mamlakatlaridagi stadionlarda o'tkaziladi.
O'yinlar Toshkent vaqti bilan soat 18:00, 21:00 va 00:00 da boshlanadi.
UZREPORT TV va FUTBOL TV telekanali muxlislari EVRO-2020 musobaqasidan o'rin olgan barcha 51ta uchrashuvni jonli efirda, parallel ravishda ikki tilda — o'zbek va rus tillaridagi sharhda tomosha qilish imkoniyatiga ega bo'lishadi.
EVRO-2020 o'yinlarini FUTBOL TV sharhlovchilari bilan bir qatorda taniqli rossiyalik sharhlovchilar – Denis Kazanskiy, Aleksandr Elagin va Dmitriy Mostovoylar sharhlab borishadi.
O'yinlardan tashqari telekanallar orqali EVRO-2020 kundaligi - "Highlights"lar ham efirga uzatib boriladi. Bu dastur orqali muxlislar EVRO-2020dan o'rin olgan o'yinlarning eng qiziqarli va hayajonli vaziyatlarni qayta tomosha qilishlari, terma jamoalarning futbolchilari va murabbiylari haqidagi qiziqarli malumotlar, shuningdek, rekordlar va boshqa muhim faktlar bilan tanishib borishlari mumkin bo'ladi.
SHuningdek, Evropa chempionatining markaziy o'yinlari oldidan va uchrashuvlardan so'ng tashkil etiladigan “Futbol studiya” dasturida sharhlovchilar va mutaxassislar tomonidan qiziqarli tahlillar jonli efirda namoyish qilinadi.
Bosh sahifaga
725