Biroz avval "sherlar" Rossiya poytaxtiga etib kelishdi. Aeroportda "Paxtakor" bosh murabbiyi SHota Arveladzedan dastxat olganlar ham bo'ldi.
"Paxtakor" Moskvaga 18 nafar futbolchi bilan tashrif buyurdi. Eldor Suyunov, Egor Krimec, Umar Eshmurodov, Abror Ismoilov va Igor Sergeev O'zbekiston milliy terma jamoasi safida BAAda o'tayotgan yig'inga yo'l olishgan. Ular "Spartak" bilan bahsda ishtirok etishmaydi. SHuningdek, jarohatdan tiklanayotgan Akrom Komilov, Javohir Sidiqov va Sadriddin Abdullaev ham Moskvaga tashrif buyurishmadi.
Darvozabonlar
Sanjar Quvvatov
Umid Hamroev
Himoyachilar
Anzur Ismoilov
Farruh Sayfiev
Alisher Salimov
Vladimir Kozak
SHerzod Azamov
Hojiakbar Alijonov
Yarim himoyachilar
Asad Sobirjonov
Diyor Xolmatov
Sardor Sobirxo'jaev
Humoyunmirzo Iminov
Odil Hamrobekov
Dostonbek Hamdamov
Jaloliddin Masharipov
Dragan CHeran
Hujumchilar
Eren Derdiyok
SHohruh Mahmudhojiev
So'nggi bor "Paxtakor" “Spartak” bilan 1991 yil 19 oktyabr kuni SSSR chempionati doirasida to'qnash kelib, Andrey Pyatnickiyning yagona goli evaziga g'alaba qozongan edi. 29 yillik tanaffusdan keyin jamoalar bugun Moskvada maydonga tushishadi.
Rasmiy o'yinlar toifasida “Paxtakor” moskvaliklar bilan 47 bor uchrashuv o'tkazgan. Ularning 8tasida “SHerlar” g'alabaga erishgan bo'lsa, 18 bor tomonlar durang natija qayd etishgan. 21 marta “Spartak” zafar quchgan. “Paxtakor” raqib darvozasiga 43 to'p kiritgan bo'lsa, Moskva jamoasi 78 bor gol urishni uddalagan. “Spartak” o'z tarixida 12 bor SSSR chempionati, 10 marta SSSR Kubogi, 10 marta Rossiya chempionati va 3 bor Rossiya Kubogini qo'lga kiritgan. Ayni paytda jamoani germaniyalik mutaxassis Domeniko Tedesko boshqarmoqda. "Spartak" safida bugungi kunda 2014 yilgi Jahon chempioni Andre SHyurrle, shuningdek Lorenso Melgarexo, Roman Zobnin, Georgiy Jikiya, Jordan Larsson, Aleksandr Sobolev kabi mashhur futbolchilar to'p tepishmoqda.
"Okritie Arena"da bo'lib o'tadigan o'yinni Rossiyaning "Match TV" telekanali to'g'ridan-to'g'ri efirda namoyish etadi. O'yin Moskva vaqti bilan soat 14:00da, Toshkent vaqti bilan esa 16:00da boshlanadi.
22.02.2020 yil soat 14.00 (02:00)da “Spartak“ — “Paxtakor“ uchrashuvi oldidan 1991 yilni yod olamiz!
O'yinni yoritish maqsadida Narzulla Saydullaev va Jahongir Fayzullaev 22 fevral kuni tushda Moskvaga etib keldi. Nasib qilsa "Spartak" - "Paxtakor" uchrashuvini championat.asia sayti to'laqonli yoritib boradi.
Bosh sahifaga
543