Ronalduning o'zi 439ta akkauntga obuna bo'lgan va ularning 424tasi javob tariqasida Krishtianu profilidagi "podpisatsya" tugmasini bosgan. 15 kishi esa bu ishni qilmagan. Keling, ular kimligini bilib olamiz.
Stiv Amell - 6,2 mln. obunachi
"Toshbaqa nindzyalar 2" filmidagi Keysi Jons va "Yashil o'q" serialidagi rollari bilan mashhur bo'lgan kanadalik aktyor Oliver Kuin.
Dastin Pore - 1,3 mln. obunachi
Aralash qoidalarning amerikalik jangchisi, engil vazn vakili. 2009 yildan beri professionallar safida jang qiladi, UFC va WEC turnirlaridagi ishtiroki bilan mashhur. Engil vaznda UFC sobiq chempioni.
Leonardo Di Kaprio - 40,9 mln. obunachi
Afsonaviy amerikalik aktyor. "Oskar" mukofoti laureati, uch karra "Oltin globus" sovrini sohibi va ekologiya uchun faol kurashuvchi inson.
Kayli Jenner - 163 mln. obunachi
Amerikalik model, biznesvumen. Kylie Cosmetics kompaniyasining asoschisi va egalaridan biri. Mark Cukerberg rekordini yangilab, 21 yoshida eng yosh milliarderga aylandi.
Ariana Grande - 175 mln. obunachi
Amerikalik aktrisa, xonanda, qo'shiq so'zlari muallifi, musiqiy prodyuser. U shou-biznesdagi professional karerasini 2008 yil Brodveydagi "13" myuziklida boshlagan.
Kendall Jenner - 12 mln. obunachi
Amerikalik supermodel.
Selena Gomes - 168 mln. obunachi
Amerikalik xonanda va aktrisa. "Veyverli Pleys" serialidagi Aleks Russo roli uchun Kids Choice Awards va ALMA Award mukofotlarini qo'lga kiritgan.
Floyd Meyvezer - 23 mln. obunachi
Mag'lubiyat nimaligini bilmaydigan o'rta yarim vaznda jang qiluvchi amerikalik professional bokschi. Olimpiya o'yinlarining bronza medali sohibi.
Jessika Alba - 17,3 mln. obunachi
Amerikalik aktrisa. "Qora farishta" teleserialidagi bosh rol orqali mashhur bo'lgan. Ayni damda Gollivud filmlarida suratga tushadi.
Kara Delevin - 44,3 mln. obunachi
Britaniyalik model va aktrisa. Amerikaning "Vogue" jurnali talqini bo'yicha "Feshn-sanoatning 45 yoshgacha bo'lgan zamonaviy insonlari"dan biri. Fotomodel Models.com portalida 5-o'rinni egallab turibdi.
Emili Ratakovski - 25,5 mln. obunachi
Amerikalik model va aktrisa. 2013 yil Robin Tikning "Blurred Lines" klipi orqali mashhurlikka erishgan.
Xolli Xolm - 2 mln. obunachi
Boks bo'yicha ko'p karra jahon chempioni va UFC sobiq chempioni. Ronda Rouzini nokaut qilgan jangchi.
Neyt Dias - 4,3 mln. obunachi
UFC jangchisi. Ushbu turnirda Konor MakGregorni mag'lubiyatga uchratgan birinchi jangchi.
Misha Teyt - 2 mln. obunachi
UFC sobiq jangchisi, tepadagi Xolli Xolmdan kamarni tortib olgan sportchi. Hozir "dekret"dagi hayotidan zavq olmoqda.
Siara - 24,6 mln. obunachi
Amerikalik xonanda, qo'shiq so'zlari muallifi, prodyuser, raqqosa, aktrisa va model.
Nima deb o'ylaysiz, nega bu insonlar "Instagram"da Ronalduga obuna bo'lmagan?
Bosh sahifaga
570