“Robertoni Braziliyaning “Figeyrense” klubi safidagi o'yinlarini kuzatib borish judayam og'ir edi. U to'p tepadigan yurtda klubning uchrashuvlari judayam ko'p edi va shaharlar o'rtasida bordi-keldi qilish oson bo'lmagan. Ammo biz uning imkoniyatlariga baho berish uchun jamoasi mashg'ulotlariga turistlar singari tashrif buyurganmiz. Uning harakatlarini ko'rib, Firmino bizga kerakli futbolchi ekanligini aytganman va tezda skautlarni jo'natganmiz. Ammo ularning hisobotlarida futbolchiga salbiy baho berilgan. SHunga qaramay uni jamoaga qabul qildik...
Germaniyada futbolchilarning holatlarini nazorat qilish uchun aniq testlar mavjud. Firminio ushbu testlarda men ko'rgan professional futbolchilar orasida eng past ko'rsatkichni qayd etdi. Ochig'i mening buvi undan yaxshiroq ko'rsatkichni qayd etgan bo'lardi. Hech kim uning futbol o'ynab ketishiga ishonmagandi”, deya Tannerning so'zlaridan iqtibos keltirmoqda Bleacher Report.
“Xoffenxaym”dagi besh mavsumdan keyin Firmino 41 million evro evaziga “Liverpul”ga ko'chib o'tgandi.
Bosh sahifaga
870