Uchrashuvning 83-daqiqasida "Milan" himoyachisi Alessio Romanoli o'z jarima maydonchasi ichida "Fiorentina" futbolchisi Patrik Kutroneni yiqitdi. Uchrashuv bosh hakami Janpaolo Kalverze esa penalti belgiladi va buni Erik Pulgar aniq amalga oshirdi.
"Javobgarlikni o'z bo'ynimizga olishimiz kerak. Barchasi qo'limizda edi. Ochko uchun to'g'ri yo'nalishda ketayotgandik, ammo "Fiorentina" bir kishi kam bo'lib qolganidan keyin o'ynashni to'xtatib qo'ydik. O'shanda biz raqib taslim bo'ladi deb o'ylagandik.
Penaltiga to'xtaladigan bo'lsam, hatto o'tirgan joyimda ham Romanoli to'pga o'ynaganini ko'rdim. Alessioning oyog'ini qo'yganidan keyin to'p yo'nalishini o'zgartirdi. Tushunmadim, nima uchun bu pallada VAR ishlatilmadi? Bu tizim nima uchun kerak? Nima uchun daqiqalab vaqtni kerak bo'lmagan narsalarga sarflashadi-yu, natijaga tasir o'tkazadigan xatolarni ko'rishmaydi? VAR baribir adolat o'rnatmadi", - dedi Pioli.
Bosh sahifaga
1754