Superliga jamoalari o'quv-yig'in mashg'ulotlarini o'tkazishmoqda. Boshlanajak mavsum uchun tayyorgarlikni Toshkentda o'tab, Jizzax shahriga qaytgan va qisqa tanaffusga chiqqan “So'g'diyona” jamoasi futbolchilaridan birini intervyuga chorladik. Jamoa etakchisi bo'lgan Sanjar Rashidov yangi mavsum haqida o'z fikrlarini bildirib o'tdi.
- O'tgan mavsum “So'g'diyona” jamoasi yaxshigina o'sishga erishdi. Jamoa Superligada 4-o'rinni egalladi. So'nggi turda “Bunyodkor” jamoasi mag'lub etilganida OCHLga chiqishi ham mumkin edi. Aytingchi, so'nggi turda jamoaga nima etishmadi va bu mavsum ham o'tgan mavsumdagiga o'xshash cenariy bo'ladimi? Balki undan yaxshiroqdir...
- O'tgan mavsumdagi so'nggi turda bo'lgan “Bunyorkor” bilan o'yinda biroz omad etishmadi. Bu yilgi maqsadlarimiz avvalgi mavsumdagidan ancha yuqori. O'tgan yilgi o'rindan yuqoriroq o'rinlarni egallash maqsad qilingan.
- O'tgan mavsum boshida Sergey Lushchan o'rniga Ulug'bek Baqoev keldi va jamoaning natijalari ancha yaxshilandi. Bu nima bilan bog'liq: Baqoev ichki muhitni yaxshigina o'zgartirdimi yoki Lushchan davrida qandaydir muammolar bormidiki, ularni Baqoev bartaraf etgan?
- Ulug'bek Baqoev kelganidan so'ng jamoa azolariga ishonch bildirib, yigitlarni birlashtirdi. Barcha futbolchilarga ishondi, hammani bitta oila qila oldi. Jamoani ruhlantirib, nazorat qila oldi. Mana shularning evaziga, biz shunday o'yin ko'rsatdik.
- Jamoaga bu yili yangi futbolchilar, legionerlar kelib qo'shildi. Ular jamoaga kirishib keta olishdimi?
- Jamoaga kelgan yangi futbolchi va legionerlar haqida aytadigan bo'lsam, ular ancha qo'shilib keta olishdi jamoaga biz bilan birga. Yaxshi moslashib keta olishdi.
- Mavsumoldi tayyorgarlikni jamoa Toshkentda o'tadi. Boshlanajak futbol mavsumiga jamoa tayyormi?
- Yangi mavsumga jamoa deyarli 80 foizga tayyor. O'yindan-o'yinga tayyorgarligimiz ortib boraveradi. Barcha qanday maqsadda ekanligimizni yaxshi tushunib turibdi.
- 1-turini safarda “Mashal” jamoasiga qarshi o'tkazasizlar. Superligaga bu yili qo'shilgan bo'lsada “Mashal” ham jiddiy raqib. Bo'lajak o'yin haqida fikringiz?
- “Mashal” jamoasi bilan bo'ladigan o'yin haqida gapiradigan bo'lsam, juda qiziq bahs bo'ladi. Mavsumning dastlabki uchrashuvida hammaning ochko olishga xohishi baland bo'ladi. “Mashal” ham Pro-ligadan chiqqan bo'lsada, lekin ular avvaldan Oliy ligada o'ynagan jamoa, shu bois ham ular bilan o'tadigan bahs qiziqarli bo'ladi.
Og'abek Samisov suhbatlashdi
Bosh sahifaga
1783