Bu yil ham PFL tomonidan Respublika U-18 birinchiligi tashkil etiladi. Faqat avvalgi ikki yilda o'tkazilgan musobaqadan farqli o'laroq bu yilgisi Superliga va U-21 yoshlar ligasi bilan birgalikda parallel ravishda olib boriladi.
Yani Superliga uchrashuvlaridan bir kun oldin jamoalarning o'rinbosarlari o'yin o'tkazsa, ikki kun oldin U-18 jamoalari o'zaro maydonga tushishadi. Rifat Akramxo'jaev "Lokomotiv" U-18 jamoasining mavsumga tayyorgarligi haqida gapirib berdi.
Tayyorgarlik haqida
- Yangi mavsumga tayyorgarlikni 6 yanvardan boshladik. Hammasi reja bo'yicha olib borildi. Bir nechta o'rtoqlik uchrashuvlari o'tkazib shu orqali futbolchilarni tekshirib oldik. 26 fevral kuni "Andijon"ga qarshi bahs bilan mavsumni boshlaymiz. O'ylaymanki, ushbu mavsumda jamoamiz o'zini ko'rsata oladi.
"Bunyodkor" U-18ga qarshi kechgan o'rtoqlik o'yini haqida
- O'yin yaxshi o'tdi. Futbolchilar imkoniyatlardan foydalanib raqib darvozasiga uchta to'p kiritishdi. Lekin nazorat bahsida baribir asosiy etibor o'yinchilarni tekshirib olishga qaratilgan bo'ladi. Muhimi rasmiy bellashuvlarda o'zimizni qanchalik ko'rsata olishimizda.
Tarkib haqida
- Tarkibdan ko'ngil to'q. 9 dekabrdan "Lokomotiv" U-21 jamoasi uchun selekciya ishlarini boshlagandik. Keyin U-18 uchun yaxshi futbolchilarni taklif eta boshladik. Viloyatlardan o'zimizga maqul kelgan yoshlarni safimizga jalb etdik.
"Lokomotiv" U-18 oldiga qo'yilgan vazifa haqida
- Albatta, biz ham chempion bo'lishga va har bir o'yinda o'zimizni ko'rsatishga harakat qilamiz. Hammaga yaxshi malum, "Lokomotiv" o'z oldiga faqat yuqori maqsadlarni qo'yib keladi. Lekin o'z navbatida biz uchun eng muhimi asosiy tarkibga munosib futbolchilarni etkazib berish va bu yo'lda eng shimarib ishlaymiz.
Bosh sahifaga
678