AGMK: Yig'in doirasidagi nazorat o'yinlari sarhisobi

2020-02-24 16:20:01 / Kiritdi: BestMaster O'qilgan: 249

AGMK jamoasi yangi 2020 yilgi mavsumga tayyorgarlik olib bordi.

Jamoa dastlab o'tgan yil yakunida, yani 24 dekabr kuni to'planib, yangi yilga qadar 5 kunlik yig'inni o'tkazgandi. So'ngra jamoa futbolchilariga yangi yil bayrami tufayli 4 kunlik kichik tatil berilib, jamoa 2020 yildagi ilk yig'inini 3 yanvardan yana tiklagandi. Mashg'ulotlar asosan Do'rmondagi qarorgohda va Qibraydagi stadionda olib borildi. 9 yanvarda esa jamoa azolari tibbiy ko'rikdan o'tishgani bois, ularga 1 kunlik hordiq chiqarish uchun dam berildi. SHuningdek, yig'inning dastlabki qismini Qibrayda o'tkazgan jamoa 18-19 yanvar kunlari ham qisqa tatilga chiqdi. Keyinchalik yana bir haftalik yig'in Qibrayda davom ettirildi hamda bu orada ikkita nazorat o'yini o'tkazildi. Dastlab "Oq-tepa" yirik hisobda mag'lub etilgan bo'lsa, keyinchalik "Surxon" ustidan g'alaba qozonildi. SHundan so'ng jamoa 1 kunlik tatilga chiqdi va 27 yanvar kuni Toshkent-Dubay yo'nalishi bo'yicha parvoz qilib, mavsumga tayyorgarlik qismining asosiy bosqichini BAAda davom ettirdi. 2 haftalik yig'in doirasida jamoa qator kuchli sparring raqiblar bilan nazorat uchrashuvlarini o'tkazdi. Avvaliga Turkmaniston milliy terma jamoasi bilan, keyinchalik Xitoy Superligasi vakillari - "Cindao Xuanxay", "SHandun Lunen", "SHanxay SIPG" kabi nomdor jamoalarga qarshi uchrashuvlar bo'lib o'tdi.

AGMK Turkmaniston milliy terma jamoasi va "Cindao Huanxay" ustidan g'alaba qozongan bo'lsa, "SHandun Lunen" hamda "SHanxay SIPG"ga mag'lub bo'ldi. "SHanxay SIPG"ga qarshi ikkinchi nazorat bellashuvida tomonlar murosa ko'chasini tanlashdi. SHu tariqa AGMK 11 fevral kuni BAAdagi o'quv-mashg'ulot yig'inini yakunlab, Toshkentga qaytib keldi.

So'ngra futbolchilarga 2 kunlik tatil berilgach, jamoa 14 fevraldan etiboran Do'rmondagi qarorgohda to'plandi va yangi mavsumga tayyorgarlik qismining yakuniy bosqichini yurtimizda davom ettirdi. Mazkur yig'in doirasida jamoa avvaliga "Ahmad Yassaviy" stadionida Pro-liga vakili "Rubin"ga qarshi nazorat bellashuvi o'tkazdi. Yig'in doirasidagi so'nggi nazorat bahsi esa Olmaliqdagi asosiy o'yingoh OKMK sport majmuasi maydonida "Oq-tepa"ga qarshi bo'lib o'tdi. Mazkur o'yinlarda ham jamoa ishonchli g'alaba qozonib, yangi mavsum startiga yaxshi kayfiyatda yo'l oladigan bo'ldi.

Yig'in doirasidagi nazorat o'yinlarini sarhisob qiladigan bo'lsak, jamoa jami 9ta uchrashuv o'tkazdi hamda 6 g'alaba, 1 durang va 2 mag'lubiyat qayd etdi. To'plar nisbati: 18-7. O'tkazilgan 9 nazorat uchrashuvining 4tasida jamoa o'z darvozasini dahlsiz saqladi va 2 o'yinda maydonni golsiz tark etdi.

AGMK safida 2020 yilgi qishki o'quv-yig'in mashg'ulot doirasida gol kiritgan futbolchilari ro'yxati:

1. Mate Vatsadze - 3

2. SHahzod Nurmatov - 3

3. Sanjar Tursunov - 2

4. Elguja Grigalashvili - 1

5. Saydullo Rahmatov - 1

6. Arslonmirat Amanov - 1

7. Sardor Rahmonov - 1

8. Bobur Yo'ldoshev - 1

9. Xojimat Erkinov - 1

10. Mirjamol Qosimov - 1

11. Bahrom Abduraximov - 1

12. Zafar Polvonov - 1

Assistent va samarali harakatlar bo'yicha ro'yxat qo'yidagicha:

1. Xojimat Erkinov - 3 (1 assist, 2ta penalti)

2. Elguja Grigalashvili - 2

3. SHahzod Nurmatov - 2

4. Arslonmirat Amanov - 1

5. Sanjar Tursunov - 1

6. Murod Toshmatov - 1

7. Yovan Jokich - 1

8. Mirjamol Qosimov - 1

9. Saydullo Rahmatov - 1

Malumot o'rnida, AGMK yangi mavsumdagi ilk bahsni Superliga 1-tur doirasida Olmaliqda Toshkent viloyati derbisi maqomida Bekobodning "Metallurg" jamoasiga qarshi o'tkazadi. O'yin 29 fevral kuni soat 16:45da boshlanadi.

AGMK jamoasining yangi mavsumga tayyorgarlik doirasidagi nazorat uchrashuvlari

23.01.2020

AGMK - "Oq-tepa" 3:0

Qibray stadioni.

Hakam: Aziz Asimov.

Gollar: SHahzod Nurmatov (23, assist: Amanov), Sanjar Tursunov (44, assist: Nurmatov), Elguja Grigalashvili (77-penaltidan)

25.01.2020

AGMK — «Surxon» 3:1

Qibray stadioni.

Hakam: Viktor Serazitdinov.

Gollar: Sanjar Tursunov, Saydullo Rahmatov (27, assist: Tursunov), Arslonmirat Amanov (53 assist: Nurmatov) - Husniddin G'ofurov (3)

02.02.2020

AGMK — Turkmaniston 1:0