Ushbu ro'yxatni yana davom ettirish mumkin. Bu futbolchilarning ayrimlari ajoyib o'yinlari bilan muxlislar mehrini qozongan bo'lsalar, bazilari klubda uzoq qolishmadi. Yangi mavsumga taraddud jarayonida klub serbiyalik Ivan Yosovich bilan shartnoma imzoladi. Boshlanajak Superliga bahslari oldidan futbolchining fikrlariga quloq tutdik.
- Ivan, malumotlarga qaraganda “Yavor”da o'zbekistonlik Husniddin G'ofurov bilan birga to'p tepgan ekansiz. Demak, qaysidir manoda yurtimizga kelishingizdan oldin ular bilan suhbatlashgansiz. Umuman olganda “Qo'qon-1912” sizni nimas bilan o'ziga jalb qildi?
- Menga taklif bilan chiqishganida ortiqcha o'ylashga shubham yo'q edi. O'zbekistonda ko'plab serbiyalik do'stlarim bor. Yovan Jokich, Dragan CHeran, Vladimir Bubanya va boshqalar. Husniddin mening do'stim. U bilan uch yil birga o'ynaganman. Ular menga ushbu jamoa haqida ko'plab yoqimli so'zlarni aytishdi. SHu bois o'ylamasdan bu erga kelishga qaror qildim. Yana bir do'stim Filip Raevac 3 yil oldin Qo'qonda to'p tepganidan xabardorman.
- Yangi sharoit va boshqacha iqlimga, mahalliy taomlarga, shuningdek jamoaga moslashib oldingizmi?
- O'zimni ancha yaxshi his qilyapman. Meni yaxshi kutib olishdi. Jamoamga yuqori natijalarga erishishda yordam bermoqchiman. CHempionat boshlanishini hammamiz kutmoqdamiz.
- Sizdan oldin jamoada to'p tepgan xorijlik futbolchilar o'zlaridan ijobiy taasurot qoldira olishgan. Sizdan ham mahalliy ishqibozlar ulardan kam bo'lmagan o'yin va natijani kutishlari aniq...
- Ularni xursand qilish uchun bor kuchimni ishga solaman. Jamoamiz bilan yaxshi natijalar ko'rsata olishimizga ishonaman.
- Aynan qaysi o'rinlar uchun kurashmoqchisizlar?
- Men bir oydan beri jamoa bilan mashg'ulotlarda qatnashmoqdaman. O'yindan, o'yinga g'alabaga bo'lgan ishtiyoq oshib bormoqda. Umid qilamanki, mavsum yakunida biz yuqori o'rinlardan birini egallaymiz. CHunki, muxlislar bunga haqlidirlar.
Abdulaziz Iskandarov suhbatlashdi
Bosh sahifaga
393