Bugun Baxtiyor Ashurmatov boshchiligidagi "Qo'qon-1912" jamoasining barcha futbolchilari hamda murabbiylar shtabi, Qo'qondagi "Muruvvaat uyi"ga tashrif buyurishdi.
Tashrifdan maqsad mavsum starti oldidan muruvvat uyida yashovchilarning xolidan xabar olib, o'ksik ko'ngillariga malham bo'lish hamda ularni futbol uchrashuvlariga taklif qilish edi.
Futbolchilarning tashrifi, ularning bergan kichik sovg'alari "Muruvvat uyi"da yashovchi insonlarni shu qadar quvontirdiki, buni ko'rgan har bir inson tasirlanadi.
Uchrashuv chog'ida jamoa bosh murabbiyi Baxtiyor Ashurmatov, futbolchi Suhrob Berdievlar so'z olib bunday uchrashuvlar davomli bo'lishiga umid bildirdilar. Jamoa azolari muruvvat uyidagilarni "Markaziy" stadionidagi o'yinlarga taklif qilishdi. Muruvvat uyida ham ko'plab futbol ixlosmandalari borligi bizni quvontirdi. Ular o'zlari yoqtirgan futbolchilar bilan dildan suhbat qurib, birga esdalik uchun suratlarga tushishdi.
"Muruvvat uyi"da yashovchi yoshi ulug' insonlar futbolchilarga boshlanayotgan mavsumda omad tilab duo qilishdi. Futbolchilar bu maskanga yana kelishni niyat qilib qaytishdi.
Bosh sahifaga
1647