Faqatgina ushbu jamoalar chempionatlar doirasida barcha mavsumlarda ishtirok etib kelishadi. Demak, bu to'qnashuvlarni klassik qarama-qarshilik turkumiga kiritish mumkin. Tomonlar hozirga qadar 58 uchrashuvda maydonga tushishgan. O'zaro o'yinlar bo'yicha ustunlik yaqqol "sherlar" tarafida. 36 bahsda zafar quchgan "Paxtakor" 9 bor raqib bilan durang o'ynagan va 13 marta imkoniyatni boy bergan. "Navbahor" darvozasiga 98 gol urilib, 45 to'p o'tkazib yuborilgan.
Toshkentdagi uchrashuvlarning 24tasida "Paxtakor" g'alaba qozonib, 4 durang va 1 mag'lubiyatni qayd etgan. “Paxtakor” o'z maydonida oxirgi 23 o'yinda 21 g'alaba va 2 durangga erishib, umuman mag'lubiyatga uchramagan. O'z o'pnida shuni takidlash joizki, “Navbahor” Andrey Kanchelskis murabbiyligida Toshkentda “Paxtakor”ga yutqazmagan. Poytaxtda 2018 yili o'tkazilgan o'yinda 0:0, 2019 yili bo'lib o'tgan bahsda esa 2:2 hisobidagi durang qayd etilgan.
O'zaro o'yinlar tarixida qayd etilgan eng yirik natija - 7:0 hisobi jamoalarning Toshkentda 2009 yil o'tgan bellashuvida kuzatilgan. O'shanda "Paxtakor" namanganliklarni o'ta yirik hisobda dog'da qoldirgan. Jami 8 marta "sherlar" namanganliklarni yirik natijalar bilan tor-mor keltirgan. Bu safar mavsumning ochilish uchrashuvida jamoalar o'zaro to'qnash kelishadi.
"Paxtakor" safiga yangi mavsum oldidan Eren Derdiyok (SHveycariya), Umar Eshmurodov, Anzur Ismoilov, Asadbek Sobirjonov va Abror Ismoilov kabi yangi futbolchilar kelishdi.
"Navbahor"ga yangi mavsumdan oldin Xurshidbek Muxtorov, Islom Isoqjonov, Husayn Ergashboev, Javlon Ibrohimov, Islom Abdullaxonov, Islom Rashidxonov, Tohir SHamsitdinov, Anvar Hojimirzaev, Sardor Telyakov, Ruslan Bolov (Rossiya), Zabihillo O'rinboev va SHahzod Hamidov kabi futbolchilar qo'shilishdi.
"Paxtakor" va "Navbahor" o'rtasidagi uchrashuv 27 fevral, payshanba kuni "Paxtakor" stadionida soat 16:00da start oladi.
 Paxtakor | Superliga. 1-tur 27/02/2020, 16:00 - : - Boshlanmadi |  Navbahor |
Teglar: bugun, 2020, yilgi, superliga, boshlanadi, “paxtakor”, “navbahor”, bilan, oynaydi,
← OldingaOrqaga →
Bosh sahifaga
363