Qirg'izistonning “Neftchi” jamoasiga qarshi kechgan javob uchrashuv keskin kurashlarga boy tarzda o'tdi va unda Tojikiston jamoasi qo'shimcha taymlarda yirik 3:0 hisobida g'alaba qozondi. Umumiy 3:1 ko'rinishidagi mazkur natija “Xo'jand”ga OFK kubogi guruh bosqichi eshiklarini ochdi.
Bevosita bellashuvga to'xtaladigan bo'lsak, 33-daqiqada Dilshod Bozorov raqib darvozasini aniq nishonga oldi. Asosiy vaqtda darvozalarga boshqa to'p kiritilmadi. Ikki o'yin natijasiga ko'ra durang bo'lgani bois, bosh hakam jamoalarni overtaymlarga taklif qildi. Qo'shimcha bo'limlarda Dilshod Bozorov ikkita gol urib umumiy g'alabani taminladi.
"Xo'jand" safida o'zbekistonlik Mamur Ikromov, Siroj Hamroev, Sanjar Rihsiboev va Andrey Sidorov kabi futbolchilar to'p tepishdi.
“Xo'jand” (Tojikiston) - “Neftchi” (Qirg'iziston) 3:0
Dushanbe. Respublika “Markaziy” stadioni. 5200 tomoshabin.
OFK kubogi. Pley off. Javob uchrashuvi.
Bosh hakam: Ahmad Faysal Al Ali.
Nazoratchi: Okada Masayoshi ( Yaponiya).
Komissar: Ahmed Tillaev ( O'zbekiston).
Gollar: Dilshod Bozorov, 33 ( 1:0). Dilshod Bozorov, 107 ( 2:0). Dilshod Bozorov, 117 (3:0).
“Xo'jand” (Tojikiston): Mamur Ikromov, Siroj Hamroev, Firdavs CHkalov (Manuchehr Ahmedov, 114), Alisher Baratov (Manuchehr Safarov, 83), Oybek Abdug'afforov, Bahtiyor CHoriev (Komron Mirzanajod), Abdulmo'min Zabirov, Sanjar Rixsiboev, Fatxullo Fatxulloev, Andrey Sidorov (Amirjon Safarov), Dilshod Bozorov.
Birinchi uchrashuv: 0:1.
Bosh sahifaga
1900