Aslida bu tadbir "Markaziy" stadionda o'tishi belgilangandi, lekin ob-havoning keskin o'zgarib, tinimsiz yomg'ir yog'ishi sababli tadbir mehmonxonaning anjumanlar zaliga ko'chirildi. Zal ozgina kichikroq bo'lganligi uchun tadbirga kelgan hamma muxlislarni ham sig'dira olmadi.
Tanishtiruv marosimini "Qo'qon-1912" jamoasi matbuot kotibi Akramjon Mamadaliev ochib berdi va olib bordi. Dastlab murabbiylar shtabi - bosh murabbiy Baxtiyor Ashurmatov va uning yordamchilari Davron Fayziev, Zohid Nurmatov va Muhiddin Abduvaliev tanishtirildi.
Dastlabki so'z Baxtiyor Ashurmatovga berildi. Ashurmatov o'z so'zida o'zi tug'ilgan Qo'qon shahri jamoasiga bosh murabbiylik qilishi sharaf ekanligi, shogirdlariyam masuliyatni his qilib, yaxshi o'ynab har qanday raqibga qarshi "jang" qilishga tayyor ekanini, jamoaga muxlislarni qo'llab quvvatlashi kerakligini, muxlislarni xursand qilish uchun qo'lidan kelgan barcha ishni qilishini va halol futbol o'ynashini aytdi.
Yana bir taniqli murabbiy Davron Fayziev ham so'zga chiqib, Qo'qonda ishlayotganidan ko'ngli to'qligi, Qo'qonda o'zini xuddi uyidagiday his qilishini aytdi.
Keyin jamoaga yangi kelgan futbolchilar raqamlari bilan tanishtirildi. "Yangilar" quyidagi raqamlardagi o'ynaydigan bo'ldi:
1. Botirali Ergashev
3. Bobur Akbarov
4. Sobit Sindarov
7. SHoxnazar Norbekov
8. Suxrob Nurulloev
13. Sardor Azimov
17. Muzaffar Muzaffarov
22. Muhammadanas Hasanov
33. Ivan Yosovich (Serbiya)
44. SHodiyor Xojimatov
91. Yakuba Bamba (Kot-D'Ivuar)
99. Bek Abdullaev
SHundan so'ng jamoaning etakchi futbolchilari so'zga chiqib yangi mavsumda astoydil o'ynab o'tgan yilga nisbatan yaxshi natijalarga erishib muxlislarni xursand qilishga vada berdi.
Farhodjon Uzoqov
Bosh sahifaga
899