“Qo'qon-1912” 1-tur o'yinini o'z maydonida “Buxoro” jamoasiga qarshi o'tkazadi. O'yin “Markaziy” stadionda soat 15:30da boshlanadi.
O'zaro o'yinlarga oid faktlar
Ushbu jamoalar milliy chempionat doirasida bungacha o'zaro 28 marotaba uchrashgan. SHulardan 10ta o'yinda Qo'qonliklarning qo'li baland kelgan. 3ta o'yinda o'zaro durang qayd etilgan. 15 o'yinda “Buxoro” jamoasi g'alaba qozongan. O'zaro o'yinlarda darvozalarga 91ta gol urilgn. To'plar nisbati bo'yicha ustunlik "Buxoro" tomonida – 53:38. O'zaro o'yinlarda "Qo'qon-1912" 37, "Buxoro" 48 ochko jamg'argan.
Yana bir etiborli malumot: Bu jamoalarning 2000 yilgi mavsumda Qo'qon shahrida bo'lgan o'yinida "Buxoro" yirik 6:1 hisobida g'alaba qozongan, qizig'i mehmonlarning barcha oltita golini ham xozir "So'g'diyona" jamoasini boshqarayotgan Ulug'bek Baqoev urgan.
Mazkur jamoalar o'rtasidagi o'tgan yili Qo'qonda o'tishi kerak bo'lgan o'yin stadion maysasi mavsumga tayyor bo'lmagani uchun Farg'onadagi "Istiqlol" stadionida o'tkazilgan. Unda “Buxoro” 3:1 hisobida zafar quchgan. Gollarni "Buxoro"dan Asadbek Sobirjonov, Doston Ibragimov va Ivan Nagaev, qo'qonliklardan esa Murod Xolmuxamedov penaltidan urgan. Ikkinchi davrada, Buxoroda o'tgan o'yinda Murod Xolmuhamedovning penaltidan urgan yagona goli "Qo'qon-1912"ga g'alaba keltirgan edi.
"Qo'qon-1912" maydonida o'tkazilgan so'nggi beshta uchrashuv:
14.04.2019. Qo'qon 1912 – Buxoro - 1:3
22.05.2018. Qo'qon 1912 – Buxoro - 1:2
26.05.2017. Qo'qon 1912 – Buxoro - 2:1
09.04.2016. Qo'qon 1912 – Buxoro - 0:1
02.05.2015. Qo'qon 1912 – Buxoro - 2:1
O'yin rasmiylari
Hakamlar: Timur To'xtasinov, Rasuljon Fozilov, Maksim Nexochin, Rahimbek Karimov
Nazoratchi: Sayfiddin Irmatov
Komissar: Erkin Baxtiyorov
“Qo'qon-1912” – “Buxoro” uchrashuvi bugun, 28 ferval kuni “Markaziy” stadionda soat 15:30da start oladi. Uchrashuv paytida Qo'qonda havo harorati 10-12 daraja iliq bo'lishi kutilayapti. Bu futbol o'ynash uchun ham, o'yinni stadionga kelib ko'rmoqchi bo'layotgan muxlislar uchun ham juda ideal havo.
 Qo’qon-1912 | Superliga. 1-tur 28/02/2020, 15:30 - : - Boshlanmadi |  Buxoro |
Farhodjon Uzoqov tayyorladi
Bosh sahifaga
319