O'zilning londonliklar bilan tuzgan shartnomasi 2021 yilning yoziga qadar amalda bo'ladi. Ilgariroq bir necha marta futbolchi “Arsenal”ni tark etishi mumkinligi haqida xabarlar chiqqandi. Futbolchi bilan MLS va turk jamoalari qiziqqandi.
“SHartnoma bo'yicha O'zil yana 15 oy “Arsenal” bilan birga bo'ladi. Bu vaqt ichida u klubni tark etmaydi. Mesut shartnomasi yakuniga qadar londonliklar safida to'p tepmoqchi.
O'zilning “kanonirlar” bilan shartnomasi yakuniga etganida u 32 yoshda bo'ladi. Bu yoshda bemalol yuksak saviyada o'yin namoyish etish mumkin. Xavotirlanishga hojat yo'q.
Albatta Mesut uchun maqbul variantlarni ko'rib, o'rganib chiqamiz. U yana “Arsenal”da qolishi mumkin. Balki u yangi mavsumda o'zini yaxshi tomonlarini ko'rsata olar va jamoa rahbariyati unga yangi shartnoma taklif qilishi mumkin. Agar shunday taklif tushadigan bo'lsa, O'zil uni ko'rib chiqishga tayyor”, deya futbolchi agentining so'zlaridan iqtibos keltirmoqda Evening Standart.
Bosh sahifaga
349