Hamid Aktamov shogirdlari o'z maydonida Qarshining “Nasaf” jamoasini qabul qildi va 1-3 hisobida mag'lubiyatga uchradi. Mazkur bahsdan so'ng zahiradan maydonga tushgan Qadamboy Nurmetov fikrlarini bildirdi.
“Jarima zarbasidan gol o'tkazib yuborgach shoshilib qoldik. Boisi, o'z uyimizda to'p tepdik. G'alaba uchun madonga chiqqandik. Uchrashuvda birinchi bo'lib hisobni ochdik. Raqibning gollaridan so'ng diqqatimiz yo'qoldi. Oldinga intilishga majbur bo'lganimiz ularga foyda berdi. “Nasaf” jamoasini g'alaba bilan tabriklayman. Jamoadoshlarimga rahmat aytaman. Ohirgi daqiqalarga qadar kurashni davom ettirishdi. Stadionga tashrif buyurgan muxlislarga minnatdorchilik bildiraman. Endi murabbiylar shtabi bilan birgalikda o'yinni tahlil qilamiz va xatolar ustida ishlaymiz. Keyingi turda g'alaba qozonib aybimizni yuvamiz degan umiddaman. Har bir ishni ortida yaxshilik bor. Yangi to'plar qulaymi? O'zgarish bo'lganidan keyin boshida to'pga ko'nikish qiyin bo'ladi. Ushbu to'plarda har kuni mashg'ulotlar o'tkazilsa o'rganib ketishimiz oson kechadi. Menimcha, yomon to'plarga o'xshamaydi”, deydi Nurmetov.
Abdulaziz Iskandarov yozib oldi
Bosh sahifaga
114