XIV bor o'tkazilayotgan ushbu musobaqada tarixda ilk bor 16 ta jamoa ishtirok etadi. Jamoalar orasidan 12 tasi Superliga jamoalari bo'lsa, qolgan 4 tasi quyi liga vakillari. Bo'lajak turnirga kecha Jizzax shahrining “Karavan” mehmonxonasida qura tashlash marosimi bo'ib o'tdi. Qura tashlash marosimidan so'ng PFL futzal, ayollar va sohil futboli bo'limi bosh mutaxasisi Oybek Yunusovdan musobaqa tarixi, formati haqida so'radik.
MUSOBAQA TARIXI
Ushbu musobaqa 2006yildan buyon o'tkazib kelinmoqda. Bo'lajak turnir XIV marotaba tashkil etilmoqda. Avvalgi mavsumlarda bazan turnir o'tkazilmagan vaqtlar ham bo'lgan. Ilk bora 16 ta jamoa ishtirok etmoqda. Tarixda xatto 3 ta jamoa ishtirok etgan musobaqalar ham bo'lgan ekan. Bu turnirda 12 marotaba “Sevinch” jamoasi va bir marta “Zarafshon” jamoalari g'oliblikni qo'lga kiritishgan.
MUSOBAQA TAQVIMI
Musobaqada 16 ta jamoa qura orqali bo'lindi. Yani ushbu turnir nimchorak, chorak, yarim final va final tarzida bo'lib o'tadi. Nimchokar final bahslari 2-3-mart kunlari bo'lib o'tadi. Bahslar Toshkent vaqti bilan 09:30, 11:30, 15:00, 17:00 da bo'lib o'tishi rejalashtirilgan. Nimchorak finalda g'oliblikni qo'lga kiritganlar 4 mart sanasida chorak final bahslarida maydonga tushishadi. Yarim final o'yinlari 5 mart kuni soat 10:00 va 12:00 da bo'lib o'tsa, so'nggi, hal qiluvchi final o'yini 6 mart, soat 10:00 da o'tkaziladi.
Quyida nimchorak final bahslari va boshlanish vaqtlari ko'rsatilgan:
02.03.2020
09:30 “Bunyodkor-W” – “Sevinch”
11:30 “Metallurg- W” – “Qo'qon-1912-W”
15:00 “Paxtakor- W” – “Qizilqum-guli”
17:00 “Baxmal” (Jizzax) – “Mashal-W”
03.03.2020
09:30 “Buxoro-W” – “AGMK-W”
11:30 “Surxon-W” – “Andijanka”
15:00 “So'g'diyona-W” – “Navbahor-W”
17:00 “Lokomotiv-W” – “AGMK 2-W”
Ayrim sabablarga ko'ra “Sevinch-2” jamoasi musobaqada qatnasha olmaydi va uning o'rniga Jizzaxning “Baxmal” jamoasi ishtirok etmoqda.
Og'abek Samisov tayyorladi
Bosh sahifaga
2086