Igor Sergeev "Paxtakor" rekordchisi
Ushbu o'yinda "sherlar" safida Igor Sergeev ikkita gol urishga muvaffaq bo'ldi. SHu tariqa u Anvar Solievni ortda qoldirib, "Paxtakor"ning O'zbekiston chempionatidagi eng yaxshi to'purariga aylanib oldi.
"Paxtakor"ning O'zbekiston chempionatidagi eng yaxshi to'purarlari
Igor Sergeev 87
Anvar Soliev 86
Zayniddin Tojiev 71
Aleksandr Geynrix 66
Igor SHkvirin 66
Server Jeparov 64
Dilmurod Nazarov 56
Sobir Xodiev 54
Mirjalol Qosimov 52
SHuhrat Maqsudov 51
SHarof Muhitdinov "Nasaf"ning 1200-goli muallifi
"Nasaf" chempionatni Navoiyda "Qizilqum" ustidan 3:1 hisobida g'alaba bilan boshladi. SHu kunga qadar "ajdarlar" O'zbekiston chempionatlarida jami 1199ta gol urishgandi. SHarof Muhitdinovning 25-daqiqada urgan goli "Nasaf"ning milliy chempionatimizdagi yubiley 1200-goliga aylandi.
Nurillo To'xtasinov 5ta o'yindan buyon gol urmoqda
"Bunyodkor" yarim himoyachisi Nurillo To'xtasinov Superliganing so'nggi beshta turida raqiblar darvozasini ishg'ol qildi.
2019 yilgi mavsumning 23-turida safarda «Andijon» darvozasiga to'p kiritgan Nurillo shundan so'ng ketma-ket to'rtinchi o'yinki maydonni golsiz tark etayotgani yo'q. 24-turda «Navbahor», 25-tur «Paxtakor», 26-turda «So'g'diyona» darvozalarini ishg'ol qilgan To'xtasinov mana bugun mavsumning ilk o'yinida ham o'z hisobiga gol yozib qo'ydi.
Nurillo To'xtasinov gol urgan o'yinlar
SUPERLIGA-2019
23-tur. «Andijon» - «Bunyodkor» - 1:1
24-tur. «Bunyodkor» - «Navbahor» - 2:1
25-tur. «Paxtakor» - «Bunyodkor» - 2:3
26-tur. «Bunyodkor» - «So'g'diyona» - 2:2
SUPERLIGA-2020
1-tur. «Surxon» - «Bunyodkor» - 1:3
Toshkent viloyati klublari yana durang bilan boshlashdi yoxud maydonda ota-o'g'illar
AGMK - "Metallurg" uchrashuvida 1:1 hisobi qayd etildi. Qizig'i ikkala jamoa o'tgan ikki yilda ham mavsumni durang bilan boshlagan ekan. Ushbu o'yindagi yana bir etiborli holat ikki jamoa bosh murabbiylarining o'g'illari shu kuni maydonga tushishdi: AGMKda Mirjalol Qosimovning o'g'li Mirjamol Qosimov, "Metallurg"da Andrey SHipilovning farzandi kichik Andrey SHipilov.
"Mashal" o'z tarixida ilk bor yirik g'alaba bilan boshladi
Superligaga qaytgan "Mashal" ilk turni o'z muxlislari qarshisida "So'g'diyona"ga qarshi o'tkazib, 3:0 hisobida zafar quchdi. SHunday qilib "Mashal" o'z tarixida ilk bor mavsumni yirik g'alaba bilan boshladi.
"Qo'qon-1912"da birinchi afrikalik futbolchi maydonga tushdi
Baxtiyor Ashurmatov boshchiligidagi qo'qonliklar "Buxoro"ni 3:0 hisobida mag'lub etishdi. Mazkur bahsda maydon egalari safida ivuarlik Yakuba Bamba zaxiradan o'yinga qo'shildi. SHu tariqa u "Qo'qon-1912" safida o'ynagan birinchi afrikalik futbolchiga aylandi.
"Lokomotiv"da 7 yildan keyin legioner dublga erishdi
Dastlabki turda "Lokomotiv"ning rossiyalik hujumchisi Kirill Pogrebnyak "Andijon" darvozasiga ikkita gol urdi. SHu tariqa Kirill 7 yildan keyin "Loko" safida dubl qayd etgan ilk legionerga aylandi. So'nggi bor O'zbekiston chempionatida "temiryo'lchilar" safida 2013 yilda legioner futbolchi dublga erishgan ekan - Tojikistonlik Akmal Xolmatov "Qizilqum"ga ikkita gol urgan.
Narzulla Saydullaev
Bosh sahifaga
306