Zoir To'raqulov: "O'yindan oldin yutib ham, yutqazib ham bo'lmaydi"
/ Kiritdi: BestMaster O'qilgan: 887
Bugun Qarshidagi “Markaziy” stadionida “Nasaf” hamda “SHo'rtan” jamoalari o'rtasida o'yin bo'lib o'tadi.
Derbi maqomi ostida kechadigan uchrashuvidan oldin G'uzorliklar bosh murabbiyi Zoir To'raqulovdan jamoasining ushbu bahsdagi imkoniyatlari borasidagi fikrlarini bilish uchun qisqa suhbatga tortdik.
- “Nasaf” har tomonlama shakllangan jamoa. Buni Osiyo CHempionlar ligasidagi so'nggi o'yinlari va natijalari ham ko'rsatib turibdi. Modomiki shunday ekan bugungi uchrashuv ham engil bo'lmaydi. Barcha jamoalar bilan ertami-kechmi to'qnash kelamiz. Raqib jamoalarni kuchli-kuchsizga, birinchi-ikkinchiga ajrata olmayman, sababi barcha jamoa birinchi deb atalishga loyiq.
CHunki o'ynamaydigan jamoa bo'lmaydi. Imkoniyatlar borasida to'xtaladigan bo'lsam, u albatta harakat qilgan va maqsadiga ishongan jamoada ko'proq bo'ladi deb hisoblayman. O'yindan oldin esa yutib ham yutqazib ham bo'lmaydi. SHunga qaramay qiziqarli va munosib o'yin ko'rsatishga harakat qilamiz, - deydi Zoir To'raqulov.
"SHo'rtan" matbuot xizmati saytimiz uchun maxsus
Bosh sahifaga
160