Uchrashuvning birinchi bo'limi dastlabki daqiqalarida "Turon" vakillari mezbonlar darvozasiga tezkor gol kiritishning uddasidan chiqdilar. Bu vaziyatda tajribali futbolchi Sunnatillo Ermatov aniq zarba bilan "Yozyovon-Lochinlari" darvozasini ishg'ol etdi - 0:1. O'tkazib yuborilgan goldan so'ng mezbon jamoa futbolchilari ham hujumkorlikni oshirishdi. Bo'lim so'ngiga qadar har ikki jamoa vakillarida ham gol kiritish uchun vaziyatlar yuzaga kelgan bo'lsada, darvozalar daxlsiz qoldi.
Ikkinchi bo'limda yaypanliklar bosh murabbiyi Islom Ismoilov "Turon" tarkibida bir necha o'zgarishlarni amalga oshirdi. Yuzaga kelgan vaziyatlarda zahiradan o'yinga qo'shilgan Muhammadkomil Nizomov ikki bor mezbonlar darvozasini ishg'ol etdi.
Ikkinchi bo'lim oxirlab borayotgan bir vaqtda nihoyat mezbonlar "Turon" darvozasiga gol kiritishning uddasidan chiqdilar, gol muallifi "Yozyovon-Lochinlari"ning tajribali futbolchisi SHahbozbek Abdurahmonov bo'ldi.
Qayd etib o'tish lozim, ikkinchi bo'limda "Turon" jamoasi safida Javohir Soxibov mezbonlar darvozasiga belgilangan penaltini golga aylantira olmadi. Bu vaziyatda "Yozyovon-Lochinlari" jamoasi posboni Jasur Abdullaev mahorat ko'rsatib, to'pni qaytarib qoldi.
Uchrashuv shu tariqa "Turon" jamoasining 3:1 hisobidagi g'alabasi bilan yakunlandi.
Nazorat uchrashuvi.
Yozyovon. "Markaziy" o'yingoh
"Yozyovon-Lochinlari" - "Turon" 1:3 (0:1)
Gollar: Sunnatillo Ermatov (0:1), Muhammadkomil Nizomov (0:2), Muhammadkomil Nizomov (0:3), SHaxbozbek Abdurahmonov (1:3)
"Yozyovon-Lochinlari": Jasur Abdullaev, Husanboy G'aniev, Karimberdi Mamadaliev, Jasurbek Otaxonov, Zohid Ismoilov, Maqsad Ibragimov, Abdumalik Ismoilov, Abdulaziz Jo'raboev, SHahbozbek Abdurahmonov, Abdumutal Abdurahmonov, Asilbek Alijonov
Zahira: SHahrizod SHarobiddinzoda, Naimjon Yusupjonov, Samandar Yusufzoda, Abduvohid Soliev
"Turon": Akmal Ortiqov, Ismoil Oxunjonov, SHoxrux Xolmatov, Asliddin Toshtemirov, Abdulaziz Abdurashidov, Oybek Axmatov, Javohir Sohibov, Sunnatillo Ermatov, Bilol Toshmirzaev, Doniyor Ismoilov, Davron Isoqov
Zaxira: Mirzoxid Jalilov, Asilbek Qayumov, Saidabzalxon Axrorov, Muxammadkomil Nizomov, Dilshod Xushbakov
Bekzod Tolibov tayyorladi
Bosh sahifaga
240