"Olmaliq" va penalti

Quyida sizning hukmingizga havola etayotgan statistikamizda jamoamiz darvozasi tomon belgilangan penaltilar xususida so'z yuritamiz.

Jamoamiz kecha "Buxoro"ga 0:2 hisobida imkoniyatni boy berdi. Har ikkala gol Umid Xonimqulov qo'riqlayotgan darvozaga penaltidan kiritildi. Bu kabi holat jamoamiz uchun birinchi marta emas. Ortga nazar tashlaydigan bo'lsak, dastlab 2008 yil "Olmaliq"ning safarda "Paxtakor"ga qarshi o'yinida hakam Vadim Agishev ikki marta penalti belgilagan. Odil Ahmedov va Zayniddin Tojiev bu imkoniyatdan unumli foydalanishgan. Ikkinchi marta bu holat o'z maydonimizda 2013 yilda sodir bo'lgan. "Nasaf" jamoasi bilan 2:2 hisobida yakunlangan bahsda bosh hakam Baxtiyor Namozov ikki marta mehmon jamoa penalti tepishini qayd etgan. Artur Gevorkyan har ikkisidan unumli foydalangan. Namozov bu bahsda "Olmaliq" foydasiga ham bitta penalti belgilagan. Zafar Polvonov penaltidan unumli foydalana olmagan. Demak bu kabi holat jamoamiz tarixida Buxoro shahrida uchinchi marta kuzatildi.

Umumiy hisobda 2008 yildan beri oliy ligada ishtirok etayotgan jamoamiz darvozasi tomon belgilangan penaltilar soni 35taga etdi. Ushbu penaltilardan 5tasi darvozabonlarimiz tomonidan qaytarilgan. Uy-safar tizimida hisoblaydigan bo'lsak 11 marta o'z maydonimizda va 24 marta raqib maydonida darvozamiz sari penalti belgilangan.