Ro'ziqul Berdiev: "Eng muhimi, uch ochkoni qo'lga kiritdik"

- “Derbi” maqomidagi o'yinlar doim og'ir kechgan.  Bugungi uchrashuv ham  biz uchun oson kechmadi. Sababi jamoamiz katta kuch yo'qotdi. SHunga qaramay, eng muhimi, uch ochkoni qo'lga kiritdik. OCHLdagi g'alabadan keyin  futbolchilarni chempionat o'yiniga ruhan tayyorlash biroz qiyin kechdi. O'yinimizda biroz pasayish kuzatildi.  Albatta, “SHo'rtan”ning kuchsiz jamoa emas. Bugungi o'yin bilan ularnining o'yiniga haqiqiy baho berib bo'lmaydi. Jamoada yaxshi o'yinchilar bor. Mavsum davomida ular yaxshi natijalarga erisha olishadi.  Bugun“SHo'rtan”da himoyada muammolar borligi bilinib qoldi. Hujum chizig'ida Zafar Polvonov ham o'ynamadi. Biz ko'plab vaziyatlar yarata oldik, ammo gol kam bo'ldi.
 
- Bolevich? Birinchi o'yin juda muhim o'yin. Unda o'yin amaliyoti kamligi uchun maydonga tushirmadik. Keyingi uyinlardan unga imkoniyat beramiz. Bobir Abdiholiqov? U bundan oldingi ikkita qiyin uchrashuvda asosiy tarkibda harakat qildi.  U yosh futbolchi. SHu bois uni bugun zaxirada ushladik. Taktik jihatdan shunday qarorga kelgandik.  Ildar Mamatkazin? U birinchi o'yinda yomon o'ynamadi. Biz unga ishonamiz, - deydi Ro'ziqul Berdiev. 

"Nasaf" matbuot xizmatidan saytimiz uchun maxsus