Nani: “Frenandeshga “Siti”ga emas, “Yunayted”ga o'tishi kerakligini aytgandim”

“Orlando Siti” yarim himoyachisi Luish Nani “Manchester Yunayted” futbolchisi Brunu Fernandesh haqidagi fikrlari bilan o'rtoqlashdi.

“Sporting”da u bilan birga to'p tepganimda Brununing qanchalik iqtidorli futbolchi ekanligiga guvoh bo'lgandim. Bazida mashg'ulotlarda men uni yanada ko'proq mehnat qilishga undardim, chunki unga aynan shu jihat etishmasdi. 

O'shanda unga eng yaxshi variant Angliyada to'p tepishi ekanligini aytgandim. Uning uslubini Tumanli Albionda juda qadrlashadi. Brunuga  APLda uzoq masofadan darvozaga gol kiritsa, muxlislar o'ziga xos tarzda olqishlashlarini bu futbolchiga qo'shimcha rag'bat berishini takidlagandim.

Uning ushbu mamlakatga ketishi haqidagi xabarlarga ko'zim tushishi bilan “Siti”ga yoki boshqa jamoaga o'tma, faqat MYUga bor” degandim. Oradan ikki oy o'tib, Brunu “Manchester Yunayted” futbolchisiga aylandi. Mening maslahatim amalga oshib, u “qizil iblislar” safiga borib qo'shilganidan xursand bo'ldim.

Uning debyuti omadli chiqdi. Yangi jamoada Brunu eng yaxshi o'yinchilardan biri va gollar urishni boshladi. Hammasi shu taxlit amalga oshganidan xursandman”, deya Nanining so'zlaridan iqtibos keltirmoqda Goal.