“Atletiko” yarim himoyachisi Koke ECHL 1/8 finalida “Liverpul”ga qarshi o'tadigan javob bahsi oldidan o'z fikrlari bilan o'rtoqlashdi.
Mazkur jamoalarning Madridda o'tgan ilk to'qnashuvida ispanlar 1:0 hisobida g'olib chiqishgan.
“Liverpulga katta maqsadlar bilan boramiz. Oldimizda qitaning eng kuchli sakkiz jamoasi safiga kirish imkoniyati bor. SHu maqsad uchun maydonga tushamiz.
“Liverpul” kuchli raqib. Oson bo'lmaydi. Ular chempion. Biz maydonda o'z vazifamizni alo darajada bajarib, musobaqadagi yurishimizni davom ettirmoqchimiz.
O'tgan yili Turindagi mag'lubiyatdan xulosa chiqarishimiz lozim. O'sha xatolarni takrorlamaslik kerak. O'shanda biz o'zimizda emasdik.
“Liverpul”ga qarshi agressiv haraat qilsak, kerakli natijaga erisha olishimiz mumkin. O'shanda maydonda har qanday holat yuz berishi mumkin. Men biz ham “Liverpul” darajasida bo'lishimizni istardim. Ular bir qator o'yinlarda mag'lub bo'lishdi, ammo CHempionlar ligasida buning hech qanday ahamiyati yo'q”, deydi Koke.
Bosh sahifaga
194