Italiya Bosh vaziri Juzeppe Kontening takidlashicha, Italiyada barcha sport tadbirlari to'xtatilgan.
"Endi bizda vaqt yo'q, raqamlar kasallik va o'limning sezilarli darajada oshganligidan dalolat bermoqda. Bizning odatlarimiz o'zgarishi kerak, butun Italiya manfaati uchun biror narsani qurbon qilishimiz zarur. SHuning uchun biz yanada qattiqroq choralarni ko'ramiz. A Ceriya va barcha sport musobaqalari to'xtatildi. Buni barcha muxlislar to'g'ri qabul qilishlari lozim", - dedi Konte.
Eslatib o'tamiz, oldinroq Italiya Olimpiya qo'mitasi koronavirus tarqalish xavfi tufayli 3 aprelgacha mamlakatdagi barcha sport tadbirlarini bekor qilishga chaqirgan edi.
Hozirgi kunda Italiyada 9172 kishi koronavirus bilan kasallangan, vafot etganlar soni esa 463 kishini tashkil etadi.
26 turdan so'ng "Yuventus" 63 ochko bilan A Seriya peshqadamiga aylangandi. 62 ochko to'plagan "Lacio" ikkinchi o'rinni egallab turibdi. Uchinchi o'rinda 54 ochko bilan, zaxira o'yinga ega bo'lgan "Inter" bormoqda.
Bosh sahifaga
224