Bu habarni "Atletiko" matbuot xizmati ham tasdiqladi. Oldinroq, klub bosh murabbiyi Diego Simeone o'yinda muxlislar bo'lishini xohlashini, sababi muxlislar bo'lmagan taqdirda, bu raqib jamoa uchun adolatsizlik bo'lishini takidlagan edi.
"UEFA va mahalliy vakillar CHL 1/8 final javob o'yini doirasidagi "Liverpul" - "Atletiko" o'yini ikkala jamoa muxlislari uchun ham ochiq bo'lishini tasdiqladi.
SHu bilan bir qatorda "Atletiko" koronavirus epidemiyasi bilan bog'liq tavsiyalarni esladi. SHuningdek, Ispaniya fuqarolariga zarur bo'lmagan paytda mamlakatni tark etish tavsiya qilinmaydi.
"Klub hukumat tavsiyalarini o'rinli deb biladi va ularni amalga oshirishni maqsadga muvofiq deb hisoblaydi. "Atletiko" hukumat tavsiyalariga binoan Liverpulga bormaslikka qaror qilgan muxlislarning ushbu o'yin uchun sotib olgan chiptalarining narxini qoplaydi", - deyiladi Madrid klubi xabarida.
Eslatib o'tamiz, "Liverpul" va "Atletiko" jamoalari o'rtasidagi o'yin bugun tungi soat 01:00da start oladi. Dastlabki o'yin "matraschilar"ning 1:0 hisobidagi g'alabasi bilan yakunlangan edi.
Bosh sahifaga
2056