"Neftchi": "Vodiy derbisi"ga tayyorgarlik boshlandi

”Bunyodkor” bilan bellashuvdan so'ng futbolchilarga bir kunlik dam berilgan edi. Qisqa tatildan so'ng, jamoa dushanba kuni o'z qarorgohida yig'ildi va kunning ikkinchi qismida mashg'ulotlarni boshladi. Ilk turni o'tkazib yuborgan Mansur Saidov umumiy guruh bilan shug'ullanmoqda. Uning holati yaxshilanib boryapti. Saidov “Navbahor”ga qarshi o'yinda maydonga qaytishi kutilmoqda. Baxtiyor Yoqubovning sog'lig'i ham yaxshi tarafga o'zgarmoqda. Tajribali yarim himoyachi engil yugurish mashqlarini boshladi. 7 mart kuni bo'lib o'tgan  ilk mashg'ulotlarda Murod Bobojonov ko'rinish bermadi. Malum bo'lishicha, Bobojonov engil jarohat olgan. Qolgan barcha futbolchilar mashg'ulotlarda to'liq ishtirok etishganini aytish joizdir.

Eslatib o'tamiz, “Neftchi” 2-turda “Navbahor” jamoasiga qarshi o'ynaydi. O'yin 12 mart kuni Farg'onadagi “Istiqlol” stadionida bo'lib o'tadi. Malumot o'rnida, “Neftchi” – “Navbahor” o'yinidan oldi kichik koncert dasturini tashkil etilish reja qilingan.

“Neftchi” PFK matbuot xizmati.