Uchrashuvdan so'ng, mankuniyaliklar futbolchisi Bruno Fernandesh Pep Gvardiolaning unga bo'lgan sovuq munosabati haqida fikr bildirdi.
“O'sha payti Gvardiola yaxshi ish qilmadi deb o'ylayman. Maydon chetida aytgan gaplari haqiqiy professionallarga xos ish emasdi. Men buni do'stlarim bilan ham muhokama qildim. U menga to'pni uloqtirdi va hurmatsizlik ko'rsatdi. Men esa unga ovozingni o'chir deb aytdim. Lekin hozir maydondan tashqarida turib xato ish qilganimni anglayapman, o'shanda asabiy holatda edim. Qaytadan bu ishni qilmagan bo'lardim.
Haqiqatan ham, Pep hurmatimga loyiq inson. Uning erishgan yutuqlarini rad etib bo'lmaydi. U zamonaviy futbolga yangicha uslub olib kira oldi. Lekin o'sha payti qizishib ketgandim. Hozir esa barchasi o'tib ketdi va yana avvalgidek munosabatdamiz”, - deydi portugaliyalik futbolchi.
Eslatib o'tamiz, Fernandesh “Manchester Yunayted”ga yanvarda kelib qo'shilgan va 5ta o'yinda maydonga tushib, 2 ta gol va 3 ta golli uzatmani amalga oshirdi.
Bosh sahifaga
1541