Murosasiz kechgan uchrashuvda mezbonlar mag'lubiyatga uchradi. O'yindan so'ng bosh murabbiy Bahrom Haydarov fikrlari bilan o'rtoqlashdi.
“Bilamizki, “Nasaf” yaxshi darajadagi futbolchilardan tashkil topgan jamoa hisoblanadi. Ular to'p bilan va qarshi hujumlarda tajovuzkor harakat qiladi. O'yinni yaxshi boshlagandik. So'ng tezlikni pasaytirdik. Rikoshetdan urilgan gol bollarni kayfiyatini tushishiga sabab bo'ldi. SHunday bo'lsada ikkinchi bo'limni yaxshi boshladik. Hisobni ham tenglashtirdik. Ikkinchi golni urib olganimizda o'yin boshqacha kechishi ham mumkin edi.
O'yin davomida barcha narsaga tayyor turish kerak. Diqqatni yo'qotdik va raqibning qarshi hujumidan to'p o'tkazib yubordik. Ikkinchi bo'limda ko'rsatgan o'yinimizni inobatga olsak g'alaba qozonishimiz mumkin edi. “Surxon” jamoasidan kuchli futbolchilar yig'ilgan. Faqat, xatolarimizni yo'qotishimiz lozim. Yigitlar o'z so'zlarini aytadi. Mag'lubiyatdan to'g'ri xulosa chiqarib, keyingi bahslarda uch ochko qo'lga kiritshimiz shart.
Hakamlarning qarorini muhokama qilishga haqqim yo'q. Ularni ko'rib chiqadigan boshqarma bor. Hamma xato qiladi. Bollarga ham buni tushuntiryapman. Biz o'zimizni xatolarimizni to'g'irlashimiz kerak. SHunda hakamga ham, raqibga ham etirozlar qolmaydi.
Muxlislarni ishontirib aytamanki, tayanch yarim himoyasini Husniddin G'ofurov orqali birlashtirgan edik. O'tgan yili Abror Ismoilov bilan juda yaxshi tandem hosil qilandi. Uning jaroxat olib maydonni erta tark etgani minus bo'ldi biz uchun. Majburan boshqa futbolchilarni o'ynatmoqdamiz. Zaxirada birgina nominal tayanch yarim himoyachi Asror G'ofurov bor. Undan ham foydalanamiz. Azam Aliev va Jahongir Mehmonovni tayanch zonasiga o'tkazganimiz majburlikdan”, - dedi Haydarov.
Asqar Eshmo'minov yozib oldi
Bosh sahifaga
323