Etiborlisi ushbu bahs qaydnomasiga ikkala jamoaning ham bosh murabbiyi yozilmagan. "Mashal"da mavsum boshidan buyon Dilyaver Vaniev katta murabbiy sifatida qayd etilmoqda, rasmiy bosh murabbiy Zoir To'raqulov umuman qaydnomaga kiritilmayapti.
"Qizilqum"da dastlabki ikki turda qaydnomada bosh murabbiy Hamidjon Aktamov nomi yozilgandi. Ammo 2-turdan o'rin olgan "Qizilqum" - "Surxon" uchrashuvi vaqtida Aktamov Toshkentda edi. O'sha o'yindan keyingi matbuot anjumanida katta murabbiy Obid Xudoyorov ishtirok etgandi. Bugungi o'yinda Aktamov ham, Xudoyorov ham qaydnomadan joy olishmagan. "Qizilqum" U-21 jamoasi bosh murabbiyi Akmal Xoliqov murabbiy sifatida yozilgan.
Eslatib o'tamiz, 2-turdan oldin sobiq hakam Hasan Ro'ziev "Qizilqum" prezidenti etib tayinlangan edi. 2018 yil avgust oyida Hamidjon Aktamov "Metallurg"ga qarshi Bekoboddagi o'yindan keyin Ro'zievni keskin tanqid qilib "Bugun Hasan Ro'zievning o'yini bo'ldi" deb aytgan edi. Keyinroq Hasan Ro'ziev intervyu berib Aktamovdan uzr so'ragan edi.
Agar o'yindan keyingi matbuot anjumaniga To'raqulov va Aktamov kelmasa PFL reglament bo'yicha ikkala murabbiyga ham jarima qo'llashi shart. CHunki 1-turda "So'g'diyona" ustozi Ulug'bek Baqoev matbuot anjumaniga kirmagani uchun jarimaga tortilgandi.
Bosh sahifaga
854