Quvondiq Ro'ziev: “Sug'diyona“ bilan o'yin o'zaro murabbiylar jangi bo'ldi”

Jamoa etakchi o'yinchilaridan biri Quvondiq Ro'ziev bugun Sport kanaliga bergan intervyusida o'yin borasidagi fikrlarini bildirib o'tdi.

“Bu uchrashuv murabbiylar jangi bo'ldi desam, adashmagan bo'laman. Ulug'bek Baqoev va Baxtiyor Ashurmatov o'z vaqtida bitta jamoada ishlashgan. Murabbiylarimizning yuzini yorug' qilish uchun ham alohida mehnat qildik. SHuningdek, yordamchi murabbiy Davron Fayziev ham Jizzaxda faoliyat yuritganlar. Muxlislarni ishonchini qozonish uchun ham yaxshi tayyorgarlik ko'rdik. Ko'plab muxlislar olidida yutqazib qo'ysak ham bo'lmasdi. Bor kuchimizni ishga solib g'alaba qozondik. Ikkinchi gol mashg'ulotlarda ishlangandi, uning samarasini ko'rdik desak ham bo'ladi. Murod Holimuhammedov standartlarga moslashgan futbolchi. Jarima, burchak, penalti zarbalarida adashmaydi. Bundan unumli foydalanyapmiz. Filip Raevac oldin ham jamoamizda o'ynab ketgan. Qo'qondagi faoliyati orqali o'zbekistonlik muxlislarga tanilgan. SHu sababli chiqishib ketishda muammo bo'lmadi. Huddi o'z uyidek his qilmoqda. Qoida buzishning farqi bor. SHavkat Mullajonov biroz pastroq zarba berganida jarohat jiddiy bo'lishi mumkin edi. SHuni takidlab o'tmoqchimanki, hammamiz futbolchilarmiz. Topadigan nonimiz maydon ichida. Bir-birimizni hurmat qilsak maqsadga muvofiq bo'ladi”, - deydi Ro'ziev.