Bolalar kutgan Toshkent shahar chempionati start oldi va bir necha turga qoldirildi

2008 yildan 2004 yilgacha bo'lib o'tadigan shahar birinchiligida 12tadan jamoa bosh sovrin uchun kurash olib boradilar.

SHu bilan birgalikda Toshkent shahrida 24ta jamoadan iborat “B“ liga chempionati ham bo'lib o'tadi. Unda ham xuddi “A“da bo'lgani kabi 2008-2004 yillar “A“ liga yo'llanmasini qo'lga kiritish uchun kurash olib boradilar.

Reglamentga asosan quyi 2ta o'rinni olgan jamoalar “B“ ligaga ravona bo'ladilar. Aksincha, 2ta yaxshi ko'rsatgichga ega jamoa kuchlilar qatoriga qo'shiladi. Undan tashqari Toshkent shahar chempionatida 2003 va 2002 yillar uchun U-18 musobaqasi boshlanadi. Kattalar uchun esa 2-liga o'yinlari bo'lib o'tadi. Faxriy futbolchilar uchun 40-50 va 50dan yuqori bo'lgan musobaqa ham bo'lib o'tadi.

Kichiklar ligasi ham yo'q emas, aprel oyidan 2009 yildan 2011 yillar oralig'ida tug'ilgan futbolchilar uchun “Baby League” jadvalsiz chempionat yo'lga qo'yiladi.

Afsuski koronavirus tufayli shahar chempionatining keyingi 3ta tur o'yinlari qoldirildi. Vaziyat yaxshilanishi bilan Toshkent shahar chempionatining 7 yoshdan 70 yoshgacha bo'lgan musobaqalari davom etadi.

Quyida 1-tur natijalari bilan tanishib olishingiz mumkin.