Diario Sport xabariga ko'ra, agar futbolchi Ispaniya chempionatiga o'tishni maqul ko'rsa, u “Real”ni emas, “Barselona”ni tanlaydi. Ammo kataloniyaliklar futbolchining APLga ko'chib o'tishidan xavotirda.
“Manchester Siti” va “CHelsi” futbolchining transferi borasida Italiya klubiga taklif jo'natishga tayyor turishibdi. Ammo “Barselona” vakillari futbolchi ularning jamoasiga kelishiga ishonishmoqda.
“Barselona” prezidenti Joze Bartomeuning fikricha, jamoa hujum chizig'iga yulduz futbolchi kerak. Klub Lautaro va PSJ hujumchisi Neymarga qiziqish bildirmoqda.
Ayni paytda Lautaroning transferi “Barselona” uchun Neymarnikiga qaraganda muhimroq. Har ikkala futbolchini sotib olish uchun klubda mablag' etarli emas. Argentinalik futbolchining klubga o'tish ehtimoli yuqoriligi shundaki, uning transferi borasidagi muzokara Neymarnikiga qaraganda engilroq kechishi aniq.
Martines bilan muzokaralar bir necha oydan buyon davom etmoqda. Lautaro faoliyatidagi navbatdagi qadamni tashlash niyatida va u Italiyani tark etmoqchi. U “Barselona”da Messi bilan to'p tepish niyatida.
Masalaning moliyaviy tomonini tomonlar hali muhokama qilishgani yo'q. Koronavirus bilan bog'liq holatlar vaziyatni biroz sekinlashtirdi. Lautaro Kataloniya klubidan statusi uchun mos taklif kutayotgani aniq. Malum bo'lishicha, mart oyida muzokaralar borasida tomonlar bir to'xtamga kelishi kutilayotgandi. Ammo koronavirus vaziyatni o'zgartirib yubordi.
Lautaroning vakillari “Siti” va “CHelsi” bilan ham gaplashib olishgan. “Barselona” ham bundan xabardor. Ammo futbolchining maqsadi Premer ligada to'p tepish emas.
“Inter” ham futbolchining qaroriga hurmat bilan munosabatda bo'lmoqda. Ammo uning tovon puli 15 iyulga qadar 111 million evrodan kam bo'lmaydi.
“Barselona” tomonining fikricha futbolchining tovon puli katta mablag' va kataloniyaliklar Vidalni “Inter”ga taklif etib, Lautaroning tovon pulini kamaytirish niyatidalar.
Joriy mavsumda Lautaro Martines “Inter” safida 22 uchrashuvda maydonga tushib, 11 ta gol urdi va 4 ta golli uzatmani amalga oshirdi.
Bosh sahifaga
2036