Brunu 2012 yilda puldan juda katta etishmovchiligi bo'lganini, "Novara"da pul doimo kechikishini aytib o'tgandi. ayrim paytlarda Fernandesh 4 oyni 53 evro bilan o'tkazgan paytlar ham bo'lgan. Bu bizning pulga taxminan 200 ming so'mga to'g'ri keladi.
"Bu pullarni oyim har ehtimolga qarshi, maoshimiz kechiksa, nimadir sotib olishim uchun bergandi. Va men o'shanda maosh salkam yarim yilga kechikishini bilmagandim. Yaxshi hamki, bazada bizga ovqat berishardi".
"Novara"dagi bir mavsumdan keyin u "Udineze"ga o'tdi. Yosh portugaliyalik (o'shanda u 19 yoshda edi) jamoaning qariya va afsonasi - Antonio Di Natale bilan do'stlashib oldi.
"Manchester Yunayted"ning fevral oyidagi eng yaxshi futbolchisi malum qilindi
"Brunu Fernandesh meni aqldan ozdiryapti. U yosh va mendan ko'ra yuqori texnikaga ega. Uning oyoqlari baquvvat va o'yin davomida maromdan chiqib ketmaydi", - deb eslaydi Antonio.
Brunu yaqinda ko'p narsalarni Di Nataledan o'rganganini tan olgandi: to'g'ri zarba berish texnikasi, tanani ushlash balansi, ochilish amaliyoti... "Rahmat ustoz! U mening rivojlanishimga katta sabab bo'lgan", - u "Udineze"dan ketayotganida shunday degandi.
Italiyada u ko'p narsalarni o'rgandi va izlandi. Mana bu uning Italiyadagi ilk jamoasi "Novara" murabbiyidan ajoyib syujet:
"Uning uyi detektivlarning ofisiga o'xshardi - hamma joyga stikerlar ilib tashlangandi. Birinchi ko'rganimda ajablandim va keyin qarasam stolga "Tavolo" yozuvli stikerga ko'zim tushdi, kresloda "Sedia", muzlatgichda esa "Frigo".
Bu italyanchani o'rganishning ajoyib yo'li. Tez orada u bizning tilda gapirishni ham o'rganib oldi".
Brunu Fernandesh - APLning fevral oyidagi eng yaxshi futbolchisi
Brunu xato qilmaydigan texnikaga o'xshardi va o'z o'yin uslubini yaratishni istardi. "Sporting"ga o'tganidan keyin har bir uchrashuvdan keyin o'z o'yinlarini ko'rishni boshladi. Fernandesh juda kech boshlanadigan bahslarda ishtirok etar va uyga tungi 3-4larda kelardi va uyqu oldidan o'z o'yinini taxlil qilardi. Ana shunday qadamlar orqali u "Manchester Yunayted"ga etib keldi.
SHunday futbolchi oyning eng yaxshi futbolchisi bo'lgani esa ajablanarli emas.
Bosh sahifaga
2130