"Messi - noyob o'yinchi. Braziliya terma jamoasida unga qarshi o'ynaganimizda uning oyoqlariga navbat bilan tepish haqida kelishib oldik. Bu qiyin ish emasdi, bularsiz axir uni to'xtatib bo'lmasdi. Bizda uning oyog'ini sindirish maqsadi yo'q edi, shunchaki taktik follar ishlatardik va unga halaqit berishga urinardik.
Men Pele haqida hech narsa deya olmayman, sababi uning o'yinlarini ko'rmaganman. 1990 yilda bo'lib o'tgan Jahon chempionatida Argentina Kanijining goli evaziga Braziliyani mag'lubiyatga uchratganini eslayman. Braziliyaliklar Zikoni hali ham eng zo'ri deb hisoblashadi, ammo men uni ilk bor "Marakana"dagi xayrlashuv o'yinida ko'rganman. SHu sababli men Pele, Maradona va Zikodek ajoyib o'yinchilar haqida hech narsa deya olmayman.
Men Messining o'yinini ko'rganman va bu aqlbovar qilmas. U so'zsiz Krishtianu Ronaldudan kuchli, chunki Krishtinu 5ta gol urishi mumkin, Messi esa shu 5tani urishi bilan bir qatorda, sheriklariga ham golli vaziyatlar yaratadi. SHunday ekan, Messi undan ko'ra mukammaldir", - deydi Melo.
Bosh sahifaga
309