"The Athletic" nashri esa murabbiylar shtabining so'nggi oydagi faoliyatini o'rganib chiqdi. Unga ko'ra, ayrim futbolchilarga o'z holatini yaxshilash uchun bir necha individual mashg'ulotlar tayinlangan.
Nashr jurnalisti Lora Uituellning yozishiga ko'ra, murabbiylar shtabining har bir azosiga futbolchilar yaxshi holatga kirishi uchun individual mashg'ulotlar ishlab chiqish tayinlangan. Bu konkret bir futbolchining o'yin elementlarini rivoji uchun xizmat qilishi kerak edi.
Xususan, Nemanya Matichga mashg'ulotlar tugaganidan keyin 20-30 daqiqa mobaynida qo'shimcha mashg'ulot o'tkazilgan. Murabbiylar futbolchining oldinga harakati, jamoaning hujumiga yordam berish va to'pni hujumchiga qadar etkazib berishi borasida ishlashgan.
Matich bilan birgalikda Aaron Uan-Bissaka ham individual mashg'ulotlarda qatnashgan. Kiran MakKena va Maykl Karrik futbolchining hujumga doir harakatlari borasida ishlashgan. Ushbu mashg'ulotlarda Aaron o'z jamoadoshlari Teden Menji va Timoti Fosu-Mensuni aldab o'tib, to'pni raqib jarima maydonchasi ichiga tashlab bera olgan. "Manchester Siti"ga qarshi o'yinda Uan-Bissaka ushbu mashg'ulotlarning foydasini ko'rish mumkin bo'ldi. U mavsumdagi eng yaxshi o'yinlaridan birini o'tkazdi.
Ushbu mashg'ulotlar standart dasturga kiritilmagan va umumiy guruhdagi mashg'ulotlardan keyin o'tkazilgan. SHuningdek, futbolchilarning o'zi ham bu mashg'ulotlarni to'g'ri qabul qilib, hech qanday norozilik bildirmagan.
Nashrning yozishicha, Fergyuson davridan buyon murabbiylar shtabi hamda futbolchilar o'rtasida bunday bog'liqlik bo'lmagan ekan.
Bosh sahifaga
717